________________
भगवती सूत्र-श. ११ उ. ११ महापार चरित्र
१९३७
खलु देवाणुप्पिया ! अम्हं सुविणमत्थंसि बायालीस मुविणा, तीमं महासुविणा, वावत्तरि सव्वसुविणा दिट्ठा । तत्थणं देवाणुप्पिया ! तित्थयरमायरो वा चक्वट्टिमायरो वा तित्थयरंसि वा चकवहिसि वा गम्भं वकममाणंसि एएसिं तीसाए महासुविणाणं इमे चोदस महासुविणे पासित्ता णं पडिबुझंति । तं जहा
"गय-वसह-सीह-अभिसेय-दाम-ससि-दिणयरं झयं कुंभं । । ।
पउमसर-सागर-विमाण-भवण-रयणुच्चय-सिहिं च” ॥ वासुदेवमायरो वा वासुदेवंसि गभं वकममाणंसि एएसिं चोदसण्हं महासुविणाणं अण्णयरे सत्त महासुविणे पासित्ता णं पडिबुज्झति । बलदेवमायरो वा बलदेवंसि गम्भं वक्कममाणंसि एएसिं चोइसहं महासुविणाणं अण्णयरे चत्तारि महासुविणे पासित्ता णं पडिबुज्झति । मंडलियमायरो वा मंडलियंसि गम्भं वक्कममाणंसि एएसिं णं चउदसण्हं महासुविणाणं अण्णयरं एगं महासुविणं पासित्ता णं पडिबुज्झति । इमे य णं देवाणुप्पिया ! पभावईए देवीए एगे महासुविणे दिटे, तं ओराले णं देवाणुप्पिया ! पभावईए देवीए सुविणे दिटे, जाव आरोग्ग-तुट्ठि० जाव मंगल्लकारए णं देवाणुप्पिया ! पभावईए देवीए सुविणे दिटे, अत्थलाभो देवाणुप्पिया ! भोगलाभो देवाणुप्पिया ! पुत्तलाभो देवाणुप्पिया ! रजलाभो देवाणु
Jain Education International
For Personal & Private Use Only
www.jainelibrary.org
