________________
भगवती सूत्र-श. ३ उ. २ चमरेन्द्र का उत्पात
आभोएइ आभोइत्ता हा ! हा ! अहो ! हतो अहमंसि” त्ति कटु ताए उकिट्ठाए जाव-दिव्वाए देवगईए वजस्स वीहि अणुगच्छमाणे अणुगच्छमाणे तिरियमसंखेजाणं दीव-समुद्दाणं मज्झं. मज्झेणं, जाव-जेणेव असोगवरपायवे, जेणेव ममं अंतिए तेणेव उवागच्छइ, ममं चउरंगुलमसंपत्तं वजं पडिसाहरइ, अवियाई मे गोयमा ! मुट्ठिवाएणं केसग्गे वीइत्था । तएणं से सक्के देविंदे देवराजा वजं पडिसाहरित्ता ममं तिक्खुत्तो आयाहिणपयाहिणं करेइ, करित्ता वंदइ - णमंसइ, वंदित्ता णमंसित्ता एवं वयासी-एवं खलु भंते ! अहं तुभं णीसाए चमरेणं असुरिंदेणं, असुररण्णा सयमेव अबासाइए, तएणं मए परिकुविएणं समाणेणं चमरस्स असुरिदस्स, असुररण्णो वहाए वजे णिसट्टे, तएणं ममं इमेयारूवे अज्झथिए जाव-समुप्पजित्था-णो खलु पभू चमरे असुरिंदे असुरराया, तहेव जाव-ओहिं पउंजामि, देवाणुप्पिए ओहिणा आभोएमि, हा ! हा ! अहो ! हओ म्हि ति कटु ताए उक्ट्ठिाए जाव-जेणेव देवाणुप्पिए तेणेव उवागच्छामि । देवाणुप्पियाणं चउरंगुलमसंपत्तं वजं पडिसाहरामि, वजपडिसाहरणट्ठयाए णं इहमागए, इह समोसढे, इह संपत्ते, इहेव अज उवसंपजित्ता णं विहरामि, तं खामेमि णं देवाणुप्पिया ! खमंतु णं देवाणुप्पिया ! खमंतुमरहंति णं देवाणुप्पिया ! णाइ भुजो एवं करणयाए त्ति कटु ममं वंदइ णमंसइ,
Jain Education International
For Personal & Private Use Only
www.jainelibrary.org
