________________
६१८
भगवती सूत्र-श. ३ उ. २ चमरेन्द्र का पूर्व भव .
.
२१ उत्तर-एवं खलु गोयमा ! तेणं कालेणं तेणं समएणं इहेव जंबूदीवे दीवे भारहे वासे विंझगिरिपायमूले बेभेले णामं सण्णिवेसे होत्था, वण्णओ। तत्थ णं बेभेले सण्णिवेसे पूरणे नामं गाहावई परिवसइ-अड्ढे, दित्ते, जहा तामलिस्स वत्तव्वया तहा णेयव्वा, णवरं-चउप्पुडयं दारुमयं पडिग्गहं करेत्ता, जाव-विपुलं असणं, पाणं, खाइमं, साइमं जाव-सयमेव चउप्पुडयं दारुमयं पडिग्गहं गहाय मुंडे भवित्ता दाणामाए पव्वजाए पव्वइए वि य णं समाणे तं चेव जाव-आयावणभूमीओ पचोरुहिता सयमेव चउप्पुडयं दारुमयं पडिग्गहं गहाय बेभेले सण्णिवेसे उच्च-णीय-मज्झिमाई कुलाई घरसमुदाणस्स भिक्खायरियाए अडेत्ता, ज मे पढमे पुडए पडइ कप्पइ मे तं पंथे पहियाणं दलइत्तए, जं मे दोच्चे पुडए पडइ कप्पइ मे तं काग-सुणयाणं दलइत्तए, जं मे तच्चे पुडए पड़इ कप्पइ मे तं मच्छ-कच्छभाणं दलइत्तए, ज मे चउत्थे पुडए पडइ कप्पइ मे तं अप्पणा आहारेत्तए त्ति कटु एवं संपेहेइ संपेहिता कल्लं पाउप्पभाए रयणीए तं चेव गिरवसेसं जाव-जं मे चउत्थे पुडए पडइ त अप्पणा आहारं आहारेइ । तएणं से पूरणे बालतवस्सी तेणं ओरालेणं, विउलेणं, पयत्तेणं पग्गहिएणं, बालतवोकम्मेणं तं चेव जाव-बेभेलस्स सण्णिवेसस्स मज्झमझेणं णिग्गच्छइ, णिगच्छित्ता पाउयकुंडियमाईयं उवगरणं, चउप्पुडयं दारुमयं पडिग्गहं एगतमंते
Jain Education International
For Personal & Private Use Only
www.jainelibrary.org
