________________
२२८..
भगवती सूत्र-श. १ उ. ५ स्थिति-स्थान
लेस्सा-दिट्ठी-णाणे जोगु-वओगे य दस हाणा। १६९ प्रश्न-इमीसे णं भंते ! रयणप्पभाए पुढवीए तीसाए निरयावाससयसहस्सेसु एगमेगंसि निरयावासंसि नेरइयाणं केवइया ठितिवाणा पण्णता ? ___ १६९ उत्तर-गोयमा ! असंखेना ठितिट्ठाणा पण्णत्ता, तं जहाःजहणिया ठिती, समयाहिया जहणिया ठिती, दुसमयाहिया, जावअसंखेबसमयाहिया जहणिया ठिती । तप्पाउग्गुक्कोसिया ठिती। - १७० प्रश्न-इमीसे गं भंते ! रयणप्पभाए पुढवीए तीसाए निरयावाससयसहस्सेसु एगमेगंसि निरयावासंसि जहण्णियाए ठितीए वट्टमाणा नेरइया किं कोहोवउत्ता, माणोवउत्ता, मायोवउत्ता, लोभावउत्ता?
१७० उत्तर-गोयमा ! सव्वे वि ताव होजा कोहोवउत्ता य । अहवा कोहोवउत्ता य, माणोवउत्ते य । अहवा कोहोवउत्ता य, माणोवउत्ता य । अहवा कोहोवउत्ता य मायोवउत्ते य । अहवा कोहोवउत्ता य, मायोवउत्ता य । अहवा कोहोवउत्ता य, लोभोवउत्ते य। अहवा कोहोवउत्ता य, लोभोवउत्ता य । अहवा कोहोवउत्ता य, माणोवउत्ते य, मायोवउत्ते य । कोहोवउत्ता य, माणोवउत्ते य, मायोवउत्ता य। कोहोवउत्ता य, माणोवउत्ता य, मायोवउत्तेय ।
Jain Education International
For Personal & Private Use Only
www.jainelibrary.org
