________________
सप्तम उच्छ्वास:
न येषु देशेषु विशिष्टधर्म - वार्त्तापि कर्णातिथितां बभाज । येन प्रजापालनतत्परेण, प्रवर्तितस्तेषु विशुद्धधर्मः ॥ १ ॥
अनार्या अपि देशाः सद्धर्मभावनयानया । येनार्या विहिता यद्वत्तिलाः पुष्पैः सुवासिताः ॥ २ ॥
दोषापहारात्तमसो विनाशात्, प्रकाशनान्यायपथस्य भूतले । श्रीसूर्यसेवाकरणानुषङ्गिणा, श्रीसाहिना येन कृतं महाद्भुतम् || ३ ||
गवादिप्राणिसंघातघातस्य प्रतिषेधनात् ।
येन कान्ता दयाकान्ता सौभाग्यैकमतीकृता ॥ ४ ॥
स्वप्नेऽपि सज्जनाः सर्वे यस्येमामाशिषं ददुः । त्वं पालय चिराद्ं राज्यं यत्कृपावारिवारिधिः ॥ ५ ॥
यस्य राज्ञः प्रसत्त्यामी धर्मं कुर्वन्ति साधवः । तस्माद् यद्विजयो नित्यं यतो धर्मस्ततो जयः ॥ ६ ॥
यस्य नाम्नि विराजन्ते विष्णुब्रह्ममहेश्वराः । तेनाऽत्राऽकबरेत्याख्या ख्याता सर्वत्रभूतले ॥ ७ ॥ विबुधश्रेणिविराजित सविधे वरनन्दनश्रिया मुदिते । कृतगोरक्षे दक्षे शुभनयन इव त्रिदिवनाथे ॥ ८ ॥ अकबरनृपाधिनृपतौ विजयिति शरभुवनसम्मिते (३५) वर्षे । श्रीमल्लाभपुरीयं प्राकाशि परापुरस्सुधियाम् ॥ ९ ॥
इति श्रीचम्पूवृत्तिः समाप्ता ।
ग्रन्थाग्रं १०००० (११०००) सारस्वतीनाम्नीवृत्तिरियम् । *
प्रतिष्ठानप्रतौ अन्तिमपत्राावे श्लोकाङ्का २० से प्रारभ्य अन्तिमांरा लोपलम्यंत ।
Jain Education International
For Personal & Private Use Only
५९३
www.jainelibrary.org