________________
षष्ठ उच्छ्वासः कर्कशा-कठिना या स्तनतटी तस्याः संघट्टेन-संश्लेषेण पिष्टा:-चूर्णिता ऊर्मयः-वीचयो याभिस्ताः । शार्दूलविक्रीडितम् ।। १६ ॥
अपि च
यद्येतस्याः सकृदपि मरुन्नर्तिताम्भोजराजि?प्रेवत्पत्रव्यजनविधुतं वारि नीहारहारि । रोधोभाजां पिबति कुसुमैर्वासितं पादपानां,
पीयूषाय स्पृहयति ततः किं क्वचिन्नाकिलोकः ॥ १७ ॥ अपि च
यद्येतस्या इति । हे देव ! नाकिलोक:-अमरजनो यद्येतस्याः-सरितः सकृदपिएकवारमपि वारि-जलं पिबति, ततस्तदा किं क्वचित् कुत्रापि पीयूषाय-अमृताय स्पृहयतिवाञ्छति, अपितु पीयूषं न वाञ्छति । एतावता अमृतादप्यस्या जलस्य रसाधिक्यं दर्शितम्। स्पृहेरीप्सित इति । स्पृहयतेरिष्टः सम्प्रदानं स्यादिति । किम्भूतं वारि ? मरुता-वायुना नर्तिता-तरलिता या अम्भोजराजि:-पद्मश्रेणिस्तस्याः प्रेङ्खन्ति-कम्पमानानि यानि पत्राणिदलानि तान्येव व्यजनं-तालवृन्तं तेन विद्युतं-कम्पितं । वायोर्नर्त्तनं तरलमेव । तथा नीहारवद्-हिमवद् हारि-मनोहरं, श्वेतवर्णत्वात् । तथा रोधः-तटं भजन्तीति रोधोभाजस्तेषां पादपानां-तरूणां कुसुमैर्वासितं-सुरभितम् ॥ मन्दाक्रान्ता वृत्तम् ॥ १७ ॥
एतावता 'केयं सरित्' इति प्रश्नस्योत्तरमदायि । अथ कश्च भवान् ? इति प्रश्रस्योत्तरमाह
मामपि पुष्कराक्षनामानं वार्तिकमवगच्छतु देवः ।
मामपीति । मामपि पथिकं देवः पुष्कराक्षनामानं वार्तायां नियुक्त:-अधिकृतो वार्तिकमिति “तत्र नियुक्तः" [पा. सू. ४/४/६९] इति ठक् ।
तथाहि -
Jain Education International
For Personal & Private Use Only
www.jainelibrary.org
