Page Text
________________
पञ्चम उवासः
३६७ तांश्च विलोक्य राजा विहसन्नासन्नवर्तिनं श्रुतशीलमाबभाषे । 'वयस्य, विलोक्यतामिदमसमञ्जसम् ।
अमी राजहंसा: सतीष्वपि स्वजात्युचितानुचरीषु कथमन्यासक्तामपीमां चक्रवाककामिनी कामयन्ते ।
न खल्वेषामियमनङ्गक्रीडा भूमिः । । ।
अथ-एकान्ते आस्थानगोष्ठीरचनानन्तरं अस्य नलस्य पुरः-अग्रे नातिदूरे-समीपे शीतं यच्छैवलचक्रवालं-शेवालवृन्दं तस्मिन् चरतः-सञ्चरतः चक्रवाककदम्बकस्य मध्ये कोऽपि चक्रवाकयुवा-तरुणचक्रवाक: पक्षपुटं-पक्षतिद्वन्द्वं उत्क्षिप्य-उच्चैविधाय तथा ग्रीवाग्रमुन्नम्यउच्चैर्दीधैं कृत्वा अनङ्गेन-कामेन परवशः-पराधीनो अनुरागिणीं-स्वस्मिन्ननुरक्तां काञ्चिच्चक्रवाकी प्रति दूरादुपसर्पन्-समीपमागच्छन् दर्शितं चाटु-प्रियप्रायं चातुर्य-कौशलं येन ईदृग्विधः सन् दृष्टिपथं-दृष्टिमार्ग अवातरत्-अवतीर्णं, दृष्ट इत्यर्थः ।
अपरे च चत्वारो राजहंसास्तामेव चक्रवाकी कामयमानाः-अभिलषन्तः तंचक्रवाकयुवानं आपतन्तं-आगच्छन्तं अन्तरान्तरा-अन्तरन्तर्निपत्य स्खलयाम्बभूवुःतत्प्रतिघातं चक्रुः ।
तांश्च-राजहंसान् विलोक्य राजा विहसन् आसन्नवतिनं-निकटस्थितं श्रुतशीलमाबभाषे-अवदत् ।
हे वयस्य ! मित्र ! इदं असमञ्जसं-अन्यायो विलोक्यतां । को अन्यायः । इत्यत्राह
अमी राजहंसाः स्वजाते:-हंसजातेरुचिता योग्या या अनुचर्यः-हंस्यस्तासु सतीष्वपि-विद्यमानास्वपि कथं-इति प्रश्ने अन्यस्मिन् चक्रवाके आसक्तां-बद्धप्रीतिमपि इमां चक्रवाककामिनी-चक्रवाकी कामयन्ते-अभिलषन्ति ।
एषां-हंसानां इयं-चक्रवाकी न खलु-नैव अनङ्गक्रीडाया भूमि:-स्थानं नात्र एषां सुरतक्रीडा युज्यत इत्यर्थः । एतावता यथा चक्रवाकी चक्रवाकस्य सजातीया एवं मनुष्यजातेर्नलस्य मानुषी दमयन्ती उचिता, यथा हंसानामनुचिता एवं लोकपालानां दमयन्तीति सूचितम् ।
अथवा
अथवा-इति पक्षान्तरे
Jain Education International
For Personal & Private Use Only
www.jainelibrary.org
| SR No. | 004071 |
| Book Title | Damyanti Katha Champu |
| Original Sutra Author | N/A |
| Author | Vinaysagar |
| Publisher | L D Indology Ahmedabad |
| Publication Year | 2010 |
| Total Pages | 776 |
| Language | Hindi, Sanskrit |
| Classification | Book_Devnagari |
| File Size | 14 MB |