Damyanti Katha Champu

SR No.: 004071
Original Sutra Author: N/A
Author: Vinaysagar
Publisher: L D Indology Ahmedabad
Publication Year: 2010
Total Pages: 776
Language: Hindi, Sanskrit
Classification: Book_Devnagari
File Size: 14 MB

Page 323

दमयन्ती - कथा - चम्पूः
तुभ्यमिति । तुभ्यं शम्भवे - हरये नमः । किम्भूताय तुभ्यम् ? नमन्तो ये लोकास्तेषां शोकं - शोचनं सन्ताप:- - कृच्छ्रं तौ हरत्यवश्यमिति नमल्लोकशोकसन्तापहारी तस्मै । तथा व्यर्थीकृतः - विफलितः अन्धकश्चासावरातिश्च अन्धकारातिस्तस्य दम्भारम्भ:- कपटोपक्रमो येन स तस्मै ॥ १ ॥
१७८
विभो ! विभूतिसंपन्न ! पन्नगेन्द्रविभूषण ! । नमो नमोघसंकल्प' ! तुभ्यमभ्यन्तरात्मने ॥ २ ॥
विभो इति । हे विभो ! हे स्वामिन् ! सर्वव्यापक ! वा, तथा विशेषेण भूत्या - भस्मना सम्पन्न:-समृद्धस्तस्य सम्बोधने हे विभूतिसम्पन्न ! यद्वा, हे विभूत्या - चतुर्दशभुवनाधिपत्यलक्षणया सम्पन्न ! तथा हे पन्नगेन्द्रविभूषण ! - वासुकिमण्डन ! मोघ:निःफल: संकल्प:-ध्यानं यस्य स मोघसंकल्पः पश्चान्नञ् योगस्तस्य सम्बोधने हे नमोघसंकल्प !-ध्यातृमानाभिलषितार्थपूरकत्वेन सफलध्यान ! तुभ्यं नमः । किम्भूताय तुभ्यम् ? अभ्यन्तरात्मने - परमात्मस्वरूपाय ॥ २ ॥
अत्रान्तरे तरणिकोमलकान्तिभिन्न- भास्वत्सरोजदलदीर्घविलोचनायाः । तस्याः प्रबोधमकरोद्रजनीविराम' - यामावसानमृदुमङ्गलतूर्यनादः ॥३॥
अत्रान्तरे-अस्मिन्नवसरे अस्या:- प्रियङ्गुमञ्जर्याः रजन्या विरामस्य-निवृत्तेर्या याम:तुर्यप्रहरस्तस्य अवसाने - अन्ते मृदुः - मधुरो मङ्गलतूर्यनादः प्रबोधं - जागरणमकरोत् । किम्भूताया अस्याः ? तरणे :- सूर्यस्य अभिनवोदितत्वात् कोमला - मृद्वी या कान्तिस्तया भिन्नानि - विकसितानि भास्वन्ति - दीप्यमानानि यानि सरोजानि- पद्मानि तेषां यद्दलं - पत्रं तद्वद्दीर्घे - आयते विलोचने यस्याः सा तस्याः ॥ ३ ॥
क्रमेण च सिच्यमानायामिव बहुल 'कुसुम्भाम्भः कुम्भैः ककुभि, प्रभवति तारकोच्छेदनाय सुकुमारे रश्मिजाले, पूर्वाचलस्थलीमधिरोहति जगत्प्रबोधप्रारम्भमङ्गलकलशों ऽशुमालिमण्डले, ताण्डवाडम्बरिणि पुण्डरीकखण्डे, हिण्डमानासु दीर्घिकाकमलमुखमण्डनमुण्डमालासु ६ कारण्डवमण्डलीषु, विश्राम्यति श्रवणपुटेषु हृदयानन्दिनि बन्दिवृदारकवृन्दवन्दनारम्भरवे, रणयत्सु वीणावेणुकोणान्वैणिकवैणविकेषु, कण्ठकुहरप्रेङ्खोलनालङ्कारकुशले तारतरं गायति ग्रामरागं गायनजने, जाते