________________
श्रीः
तृतीय उच्छ्वासः
अथ तृतीयोच्छ्वासव्याख्या प्रतन्यते ।
अथ क्रमेण रजतकुम्भमम्भोभरणार्थमिवेन्दुमण्डलमादाय पश्चिमाम्भोनिधिपुलिनमनुसरन्त्यां तरुणकपोतकन्धरारोमराजिराजिन्यां रजन्याम्, अखिलकमलखण्डकमलिनीनां विनिद्रायमाणकमलकुड्मलविलोचनेषु कज्जलरेखास्विवोल्लसन्तीषु भ्रमरराजिषु, राजीवराजिपुञ्जनिकुञ्जे शिञ्जानमञ्जीररवमञ्जुल मुन्नदत्सु शरद्बलाहकवलक्षपक्षविक्षेपपवनतरलिततरुणतामरसेषु दीर्घिकावतंसेषु, हंसेषु, केङ्कारयति च चक्रवाकमिथुनमेलकमङ्गलमृदङ्ग इव रौप्यघर्घरारवसरसं सारसकुले ३, अवश्यायजलशिशिरशीकरिणि मन्दान्दोलितविनिद्रद्रुममञ्जरीरजःकणकषायिते तमः सर्पसंदष्टोज्जीवितजगन्निश्वासायमाने, प्रस्खलति प्रभातसुरतश्रमखिन्नसुन्दरीकुचमण्डले, मरुति, मनोहारहारीतहरितहये हरतितिमिरपटलपर्टी गगनलक्ष्म्याः, करपरामृष्टपयोधरे रागवति सवितरि मृगमदमिलितबहल'कुङकुममण्डनमञ्जरीभिरिव पिञ्जरिते पुरन्दरदिङ मुखे सुखप्रसुप्ता सा स्वप्नमद्राक्षीत् ।
Jain Education International
अथेति । अथ-अनन्तरं इति - इति सति सा - प्रियङ्गमञ्जरी सुखेन प्रसुप्ता सती स्वप्नमद्राक्षीत् - ददर्श । इतीति दर्शयति- कस्यां सत्यां ? क्रमेण नभोमार्गातिक्रमणपरिपाट्या रजन्यां पश्चिमाम्भोनिधेः - पश्चिमाब्धेः पुलिनं - तटं अनुसरन्त्यां - गच्छन्याम् । किं कृत्वा ? इन्दुमण्डलं-चन्द्रबिम्बमादाय - गृहीत्वा । चन्द्रमण्डलं किमिव ? उत्प्रेक्ष्यते, अम्भोभरणार्थं - पानीयेन पूरणार्थं रजतकुम्भमिव वृत्तत्वात् श्वेतत्वाच्च रूप्यकलशोपमा ।
-
For Personal & Private Use Only
www.jainelibrary.org
