________________
श्रीदेवचन्द्रसूरिविरचितम् • ३३ रण्णा विसज्जिओ णेइ सपुत्तं सगिहे वहुं । वद्धावणयमाईयं काउं सव्वं पि सोहणं ॥३४९।। रायदिन्ने गिहे जाइ सकलत्तो पुत्तसंजुओ । तेलोक्कसुंदरीए य सीहराया विसज्जिओ ॥३५०।। 'जाहि, वेसं च सेन्नं च तायस्सेयं समप्पय । सुयं दिटुं च वित्तंतं णीसेसं पि कहेज्जसु' ॥३५१।। एवं विसज्जिओ सीहो वच्चई विमणम्मणो । पत्तो चंपाए णयरीए पडिहारणिवेइओ ॥३५२।। पविट्ठो रायअत्थाणे जोहारेउं णरेसरं । णिसन्नो नियए ठाणे राएण कयगोरवो ॥३५३।। समप्पए तओ वेसं णीसेसदलसंजुयं । तं दटुं सोगसंतत्तो चित्तम्मी चिंतए निवो ॥३५४।। "हंत ! जं आगओ वेसो समग्गबलसंजुओ । सीहराओ य तं नृणं नऽत्थि तेलोक्कसुंदरी" ॥३५५।। जावेवं चिंतए राया ताव सव्वं सवित्थरं । सीहेणाऽवि समक्खायं तं सोउं जंपए णिवो ॥३५६।। 'अहो ! से बुद्धिमाहप्पं, अहो ! विण्णाणकोसलं । अहो ! खंतीगुणा तीए, अहो ! सीलस्स रक्खणं ॥३५७।। अहो ! भत्ती सभत्तारे, अहो ! दोसभयालुया । अहो ! कन्नाछलेणेसा मम कित्ती समुज्जला ।।३५८।। अहवा मज्झ धूयाए संभाविज्जइ किं न किं ? | ता जाहि सीह ! तं सिग्धं सभत्तारं ममंतियं ॥३५९।।
loyag
Jain Education International
For Personal & Private Use Only
www.jainelibrary.org
