________________
३२ • मङ्गलकलशकथानकम्
किं वा कुणंति णो जीवा महामोहविडंबिया ? | ता किं एएण ? संजायं संपयं पि विसोहणं ||३३८ || जं तुमे पाविओ वच्छे ! जो भत्ता देवदिन्नओ । ता भुंज एइणा सद्धि भोगे पुण्णसमज्जिए' ॥ ३३९ ॥ 'पसाओ'त्ति भणंतीए रण्णो आणा पडिच्छिया । सामंतेहिं वि सव्वेहिं तं तहेवाऽणुमन्नियं ||३४०॥ भंडागाराओ रण्णा वि वत्थालंकारमाइयं । आणेउं भूसिया बाला 'धूय'त्ति पडिवज्जिउं ॥ ३४१|| धणदत्तो वि एण हक्कारिता पयंपिओ । 'पुण्णमंतो तुमं चेव एत्थ एक्को गणिज्जसि ॥ ३४२ ॥ जेण ते पाविया एसा बहुरूव - गुणालया । मच्चलोगम्मि दुल्लंभा नामं तेलोक्कसुंदरी ||३४३ ॥ सोऊणेयं तओ सेट्ठी रोमंचुच्चइयगत्तओ । जाओ कयंबपुष्पं व मेहधारासमाहयं ॥ ३४४॥ जंपए 'देव ! देवाणं गुरूणं च पसायओ । होंति जीवा किमच्छेरं सव्वकल्लाणभाइणो ॥ ३४५॥ ता देव ! देहि आएसं जेण नेमि इमं गिहे' । राया वि जंपए ‘एवं, किंतु एयं पिते हिं ॥ ३४६|| जं मए कारियं तुंगं एईए कारणेण उ । ताऽलंकरेहि तं चेव किमन्नेण पओयणं ?' ॥३४७॥
तेाऽवि भाणि 'देव ! आएसो ते पमाणयं । किंतु मंगलकज्जेण नेमि ताव सयं हिं' ||३४८।।
PSY29
Jain Education International
For Personal & Private Use Only
www.jainelibrary.org
