________________
श्रीदेवचन्द्रसूरिविरचितम् • ३१ गंतुं तेणाऽवि सव्वं पि रायधूयाए अक्खियं । तो सा मोत्तूण तं वेसं नियं वेसं करेत्तु य ॥३२७।। पाएसु पडिया तस्स करे जोडेत्तु जंपइ । 'हा नाह ! किं मए तुज्झ अवरद्धं जेण छड्डिया ? ॥३२८।। ता इयाणि पि दीणाए नाह ! नाहत्तणं कुण । दीणम्मि जणे जेण दयं कुव्वंति सप्पुरिसा ॥३२९।। जं मए तुह विओयम्मि अणुभूयं दारुणं दुहं । तं मा पावंतु सत्तू वि तुह नाह ! कयाइ वि' ॥३३०।। तेणाऽवि तं सुणेऊण जंपियं 'किं पिए ! अहं । करेमि ? जेण तं तइया एवं चेव विवाहिया ॥३३१।। संपयं तु जहा तुज्झ होही सव्वं पि सोहणं । तहा कंते ! करिस्सामि, ता विसायं परिच्चय ।३३२।। किं च तइया मए तुज्झ जाणावणणिमित्तयं । 'उज्जेणीनीरजोग' त्ति मोयगा वक्कमीरियं' ॥३३३।। सिणेहेणं पयंपित्ता एवं ताणि परोप्परं । पुणो कुमारवेसेणं जाइ एसा निवंतिए ॥३३४।। पणामपुव्वयं सव्वं जहावत्तं निवेयइ । राया वि तं सुणेऊणं विम्हयं परमं गओ ॥३३५।। जंपई 'पेच्छहऽच्छेरं संजायं केरिसं इमं ? । जं सुणताण चित्तम्मि उप्पज्जइ सुविम्हओ ॥३३६।। अहो ! पेच्छ अमच्चस्स परत्तणिरवेक्खया । जेणिमा चंदलेह व्व णिक्कलंका वि दूसिया ॥३३७।।
Syao
Jain Education International
For Personal & Private Use Only
www.jainelibrary.org
