________________
२६ • मङ्गलकलशकथानकम्
चितई "हंत ! ते एए आसा तायस्स वल्लहा । णामंका मज्झ नाहेणं जे तया परिमग्गिया || २७२ || ता होयव्वं इहं तेण अवस्सं मह भत्तुणा" । एवं चिंतेउमाइट्ठा णिया तेण दुवे नरा || २७३ || जहा ‘भो ! कत्थ वच्चंति एए आसा सुसोहणा ? | णिरूवेह लहुं जेण किणामि, कोउगं जओ' ॥ २७४॥ 'आएसो' त्ति य जंपित्ता ते लग्गा ताण पिट्ठओ । गेहाईयं समग्गं पि जाणित्ता झत्ति आगया ।।२७५॥ णिवेयंति कुमारस्स जहा 'एगत्थ मंदिरे | पविट्ठा ते वरे ठाणे णिबद्धा य जहक्कमं ॥२७६॥
तं दठ्ठे पुच्छिओ एगो णरो अम्हेहिं मज्झिमो ।
जहा कस्स इमं गेहं ? आसाऽमी कस्स संतिया ? || २७७|| तेत्तं धणदत्तस्स गिहमेयं पसिद्धयं ।
आसा य तस्स पुत्तेणं चंपाओ इह आणिया' ॥२७८॥
तं सोउं जंप (चिंत ?) ए एसा " सो भत्ता मज्झ णिच्छयं" । इइ चितिउं पुणो दो वि नरा ते चेव पेसिया ।।२७९।।
'णामं जाणेह भो ! तस्स जेणेए आणिया हया । संपयं चिई कत्थ ? वावारं किं च कुव्वई ?' ||२८० || एवं वुत्ता णरा दो वि जाणित्ता ते समागया । भणंति, 'मंगलक्कलसो सो णामेण पवुच्चई ॥२८१||
सगेहस्स समासन्ने कलासं पकुव्वई ।
उवज्झायस्स पासम्मि दिट्ठो अम्हेहिं सामिय ! ' ॥२८२॥
Sta
Jain Education International
For Personal & Private Use Only
www.jainelibrary.org
