________________
१२ • मङ्गलकलशकथानकम्
आइण्णं दुसत्तेहि पाणियं पियई तहि । भीयभीओ पकंपंतो वग्घाईसावयाण उ ॥ ११८ ॥ तस्स पालीए पेच्छित्ता महंतं वडपायवं । चितए "एत्थ आरोढुं वसिमं जोएमि कत्थई " ॥ ११९ ॥ जावेवं चितए एसो ताव अत्थंगओ रवी । असत्तो तस्स तं दुक्खं दट्ठणं सुयणो इव ॥ १२० ॥ जाया रत्तंबरा संझा विमुक्कतमकेसिया । अहवा भत्तुणो नासे होइ एवंविहा वसा ॥ १२१ ॥ अंधयारम्भ जायम्मि दभबं वलेत्तु सो । आरूढो वडरुक्खम्मि दिसाओ जाव जोयइ ॥१२२॥ तावुत्तरदिसाभाए जलंतं पेच्छए सिहि । उज्जीविओ व्व उत्तरइ बस्साणुसारओ ॥ १२३ ॥ पयट्टो उत्तरासाए भीयभीओ दुयं दुयं । सीएणं कंपमाणंगो पत्तो तं जलणंतियं ॥ १२४ ॥ तप्पंति जत्थ आसाणं अणेगे जामइल्लया । सीएण पीडिओ एसो जाव तत्थ समस्सिओ ॥ १२५ ॥
ताव ते टक्कराईहिं ताडयंति सुणिद्दया । जओ एवंविहा चेव दुट्ठसीला हवंति ते ॥१२६|| ताडयंता हसंता य जाव चिट्ठेति ते खणं । थाणवालेण मंतिस्स दिट्ठो एत्थंतरम्मि सो || १२७|| तेण पुव्वणिउत्तेण वारित्ता ते तओ इमो । णेउं अन्नत्थ ठाणम्मि पज्जालित्ता हुयासणं ॥ १२८॥
Cibya
Jain Education International
For Personal & Private Use Only
www.jainelibrary.org
