________________
श्रीदेवचन्द्रसूरिविरचितम् . ७ एवं दिणे दिणे तस्स वच्चंतस्स जहिच्छियं । अंतरा अंतराले य सिक्खंतस्स य किंचिवि ॥६३।। कलाविन्नाणमाईयं तहा धम्मं जिणाहियं । केत्तिएणाऽवि कालेणं जं जायं तं सुणेह भो ! ॥६४|| अत्थेत्थ भारहे वासे चंपा णाम महापुरी । धन्नाईरिद्धिसंबंधबंधुरा अलकोवमा ॥६५।। णमंताऽणेयसामंतमउलिमालच्चियक्कमो । पालए तं पुरिं राया नामेणं सुरसुंदरो ॥६६।। तस्स सव्वावरोहाओ सारा देवी गुणावली । अस्थि विक्खायकित्तीया णिस्सेसगुणमंदिरं ॥६७|| अन्नया सा णिउच्छंगे फल-फुल्लसमाउलं । दटुं कप्पलयं सुमिणे सज्झसाओ विउज्झइ ॥६८।। साहेइ नियदइयस्स तोसापूरियमाणसा । तेणाऽवि जंपियं 'देवि ! धूया ते होहिई वरा' ॥६९।। 'एवं होउ' त्ति देवी वि जंपिउं नियवासए । जाइ पत्तम्मि कालम्मि पसूया वरबालियं ।।७०॥ तीसे जम्मम्मि तो राया 'निरवच्चो' त्ति कारए । वद्धावणयं महारम्मं सव्वरज्जे पहि?ओ ॥७१॥ पत्ते णामदिणे णामं कयं तेलोक्कसुंदरी । सुक्कपक्खम्मि चंदस्स कल व्व परिवड्डई ।।७२।। कलाहिं सोमयाए य कंतीए लोणिमाय य । एवं कमेण वटुंती संपत्ता जोव्वणे वरे ॥७३।।
DISRO
Jain Education International
For Personal & Private Use Only
www.jainelibrary.org
