________________
६ • मङ्गलकलशकथानकम्
कमसो वद्धमाणो सो संजाओ अट्ठवारिसो । जाव ता पुच्छए तायं, 'पभाए कत्थ गच्छसि ?' ॥५२॥ जंपए जणओ 'पुत्त ! पुप्फाणं जामि पइदिणं' । बोल्लेइ तो इमो 'अज्ज अहं पि तुमए समं ॥५३॥ आगच्छिस्सामि' तो सेट्ठी जंपए 'मा इमं कुण । मलओ दूरदेसम्मि जेण तो चिट्ठ मंदिरे ' ॥५४॥ इमो वि आगहं काउं बालत्ताओ पयट्टइ । पुत्ताऽसंतोसभीएणं जणएणं न नियट्टिओ ॥ ५५ ॥ पच्छियावग्गहत्थो सो मलए जा पहुत्तओ । ता दठ्ठे मालिएणाऽवि पुट्ठो सेट्ठी सविम्हयं ॥५६॥ 'सामि ! को एस बालो ?' त्ति सेट्ठी जंपइ 'मे सुओ' | हरिसुप्फुण्णहियएणं मालिएण फलाणि तो ॥५७॥
दिन्नाणि सादु- पक्काणि नारंगाईणि सत्तरं । आगया य पुणो गेहे, सेट्ठी पूएइ इ ॥ ५८ ॥ बालो वि सव्वसामरिंग मायापासाओ अप्पइ । तओ बीए दिणे तेण विण्णत्तो जणओ इमं ॥ ५९ ॥ जहा 'हं मलए जामि तुमं चिट्ठ इहेव य' । बालस्स विणयं दद्धुं सेट्ठी चित्तम्मि भाविओ ||६०|| जंपए 'वच्छ ! तं बालो, चिट्ठ ताव गिहट्टिओ' । णिच्छएणं भणंतस्स मालिओ तो पयंपिओ ||६१||
'पुत्तस्स मज्झ देज्जाहि संपयं पुप्फसंचयं' । 'आएसो' त्ति भणित्ताणं सम्मं तेण पडिच्छियं ॥६२॥
959
Jain Education International
For Personal & Private Use Only
www.jainelibrary.org
