________________
श्रीदेवचन्द्रसूरिविरचितम् • ५
पुण्णम्मि तम्मि गब्भम्मि उप्पन्नम्मि मनोरमं । सुमिणं पच्छिमे जामे सच्चभामाऽवलोय || ४१|| पुण्णकुंभं अणेगेहिं मंगलेहि समन्नियं । पेच्छित्ता उट्ठिया एसा भत्तारस्स णिवे ॥ ४२|| तेणावि भाणिया 'भद्दे ! णंदणो ते भविस्सइ । सव्वलोयमणाणंदकारओ गुणसंजुओ' ||४३|| जंपई सा 'इमं होउ गुरु- देवाण पसायओ' । पुणे पसूइकालम्मि सव्वलक्खणसंजुयं ॥ ४४ ॥ पुत्तं पवई एसा तेणं तडिसन्निभं । तत्तो वद्धाविओ सेट्ठी दासचेडीए वेगओ || ४५ ।। सोउं तयंतिए सो वि तीए दाउं मणिच्छियं । वद्धावणयं महारम्मं पवत्तेइ दुयं दुयं ||४६ || अवि यवज्जिरतूरसमाउललोयं लोयसमागयकयसम्मोयं । मोयसमुद्धरणच्चिरवेसं वेससमुज्जलजणकयसोहं ॥४७॥ सोहोहामियसुंदररायं रायपसायविमोइयबंदं ।
बंदाघोसियजय-जयसद्दं सद्द - फास-रस- रूव-सुगंधं ॥४८॥
गंधगुणड्डूविलेवणसारं सारसमागयअक्खयवत्तं ।
वत्तसुमंगलसद्दापुण्णं पुण्णपवित्तसमाणियसंघं ॥ ४९ ॥ ति । एवं वित्तम्मि पीईए वद्धावणमहूसवे । कायव्वाई कुणंताणं संपत्ते णामवासरे ॥५०॥
सुमिणस्साऽणुसारेणं अम्मा-पीईहि से कयं । मंगलक्कलसो णामं सव्वलोयसमक्खयं ॥५१॥
Sya
Jain Education International
For Personal & Private Use Only
www.jainelibrary.org
