________________
श्रीदेवचन्द्रसूरिविरचितम् • ३ किं व केणावि तं मुट्ठो ? किं वा रण्णाऽवमाणिओ ? | किं वा परम्मुहं जायं तुज्झ अज्ज महायणं ? ।।१९।। किं वा पल्लट्टमंगारे तुज्झ णाह ! णिहाणयं ? | किं वा वि बालिया का वि तुज्झ चित्ते चमक्कइ ? |॥२०॥ जइ एयं णो अणक्खेयं, तो मज्झं नाह ! सीसउ । हसित्ता जंपए सेट्ठी, 'किं गुज्झं तुज्झ वी पिए ! ॥२१॥ किंतु चित्ते महादुक्खं जं तुमं पुत्तवज्जिया' । तीए पयंपियं ‘णाह ! कुण धम्मं जिणाहियं ॥२२॥ पूयं जिणिंदचंदाणं णिव्वत्तेहि य अट्ठहा । गुरूणं संविभागेणं पूयपावो भवाहि य ।।२३।। साहम्मियाण सत्तीए देहि दाणं अणेगसो । दीणा-ऽणाहाइयाणं पि करेहि उचियं तहा ॥२४।। पोत्थयाणि पसत्थाणि लिहावेहि णिरंतरं । अन्नं पि एवमाईयं कुण दव्वव्वयं पिय ! ।।२५।। एवमहं करंताणं जइ होही णाह ! णंदणो । सासणस्स पहावेणं तो लटुं चेव होहिही ।।२६।। अहवा न होहिही पुत्तो तो वि दव्वं नियोइयं । भविस्सइ इमं सामि ! सुट्ठाणम्मि मई मम ।।२७।। तं सोऊणं तओ सेट्ठी हरिसुप्फुण्णमाणसो । जंपए ‘साहु साहु त्ति पिए ! तुज्झ मई इमा ।।२८।। एवं चेव इमं कज्जं करिस्सामि ण संसओ' । तप्पभिई च पारद्धं तेण सव्वं जहोइयं ।।२९।।
svag
Jain Education International
For Personal & Private Use Only
www.jainelibrary.org
