________________
२२४ • मङ्गलकलशकथानकम् प्रेष्य निजपुत्रीं जामातृसहितां समानाय्य यथाविधि सच्चक्रे । ततो महीभुजाऽमात्यो विडम्बित: । तदीयं सर्वस्वं गृहीतम् । वध्यस्थाने वधार्थं राज्ञा स प्रगुणीकृतः । तलार? रासभे स आरोप्य त्रिकचतुष्कचत्वरादिषु परिभ्रामितः । ततो मङ्गलेन गाढाभ्यर्थनया नृपाग्रहात्सचिवो मोचितः । तदा राज्ञोक्तम्-रे पापचेष्टित ! त्वं मया जामातुरपरोधेन मुक्तोऽसि । अन्यथा न मुञ्चामि । अथ मत्पुरान्निःसर । इत्युक्त्वा स्वपुरान्निष्कासितः । तदनन्तरं तेन नृपेण पुत्रविजितेन स जामातैव पुत्रस्थाने स्थापितः । तन्मातापितरौ तत्रैव भूपतिना समानायितौ। अन्येद्युः स राजा मन्त्रिसामन्ताद्यनुमतेन महोत्सवपुरःसरं स्वराज्ये तं मङ्गलकलशं स्थापयामास । ततश्च यशोभद्रसूरीणां चरणान्ते सुरसुन्दरभूपः संयममुपाददे ।
राज्ये कोऽपि वणिग्जातिः संस्थापितोऽस्तीतीर्घ्यया प्रत्यन्तपार्थिवास्तस्य राज्यं गृहीतुमुपतस्थिरे । तदा तेन श्रीमत्पुण्यप्रभावेण सङ्ग्रामभूमौ ते सर्वेऽपि लीलयैव जिताः । ततस्तस्य सर्वेऽपि शत्रवो मित्रत्वं प्राप्ताः । अथ सुखेन स राज्यं पालयति । ततस्त्रैलोक्यसुन्दर्याः पुत्रोऽभूत् । यशोशेखरस्तन्नाम । ततः स मङ्गलकुम्भराजा निजदेशे जिनचैत्यजिनभुवनजिनार्चाऽमारियात्रादिधर्मकर्म व्यधापयत् । अन्यदोद्यानदेशे समायातं श्रीजयसिंहसूरिं श्रुत्वा स भूपः सकलत्रः सद्वासनया वन्दनाय ययौ । तत्र गत्वा गुरुं त्रि:प्रदक्षिणीकृत्य भक्तिपूर्व नत्वेति पप्रच्छभगवन् ! केन कर्मणा मया विवाहकाले विडम्बना प्राप्ता ? देव्या (च) दूषणं कथं प्राप्तम् ? । इत्युक्ते सूरिरूचे-अत्रैव भरतक्षेत्रे क्षितिप्रतिष्टं नाम पत्तनमस्ति । तत्र सोमचन्द्राभिधानः कुलपुत्रकोऽभूत् । तद्भार्या श्रीदेवी । मिथस्तौ प्रीतिशालिनौ स्तः । यः सोमचन्द्रः स प्रकृत्या सुगुणः सरलाशयः समस्तलोकानां मान्यः । तद्भार्यापि तादृशी ।
rag
Jain Education International
For Personal & Private Use Only
www.jainelibrary.org
