________________
श्रीराजवल्लभोपाध्यायविरचितम् • २०५
तस्मा आसनमात्मीयं, स्थाल सादापयत् तथा । अकारयद् विशेषेण, गौरवं भोजनादिषु ॥ १७५ ॥ ततो वस्त्राणि सर्वेभ्यो यथायुक्तमदत्त सा । तस्मै निजाङ्गलग्नं च, वासोयुग्म मनोहरम् ॥१७६॥ सोवाचाथ कलाचार्यमेतन्मध्यात् त्वदाज्ञया । यो जानाति स आख्यातु, छात्रो मम कथानकम् ॥१७७॥ सर्वैरपीर्ष्यया छात्रैर्निर्दिष्टोऽथ स मङ्गलः । उपाध्यायाज्ञया धीमान्, वक्तुमेवं प्रचक्रमे ॥ १७८।। अनुभूतं चरित्रं वा, कथयामि कथानकम् ? । सावदच्चरितं ब्रूहि, पर्याप्तं कल्पितेन भोः || १७९|| मङ्गलश्चिन्तयामास, सैषा त्रैलोक्यसुन्दरी । चम्पापुर्यां भाटकेन, परिणीता हि या माया ॥ १८०॥ केनापि हेतुनेहागाद् भूत्वा पुंवेषधारिणी । कथायामि ततो नूनं, स्वानुभूतां कथामहम् ॥१८१|| सोऽवदद् या कथा लोके, प्रिया चित्रकरी भवेत् । स्वकीयामहमेतां तां कथयामि निशम्यताम् ॥१८२॥ ततश्चात्मकथा तेनादितस्तत्र प्रकाशिता । तावद् यावदमात्येन, गृहान्निर्वासितो सौ ॥ १८३॥ अत्रान्तरे कृतालीककोपा राजसुतावदत् । अमुं गृह्णीत गृह्णीत, रे ! रे ! मिथ्याप्रवादिनम् ||१८४|| इत्युक्ते पत्तयस्तस्यास्तद्ग्रहार्थं समुद्यताः । तयैव वारिताः शीघ्रं स चानीतो गृहान्तरे ॥ १८५||
,
Obta
Jain Education International
,
For Personal & Private Use Only
www.jainelibrary.org
