________________
श्रीमुनिभद्रसूरिविरचितम् • १८१
देशान्निदेशानिव ते निदेशव्यापारभाजः परिपालयन्तु ।
तान्पञ्च पञ्चाञ्चित ! वल्लभस्य देशस्य वाहान् दिश मे नरेन्द्र ! ||२३३|| कियत् त्वया याचितमित्युदित्वा स भूपतिः पञ्च ददौ तुरङ्गान् । प्रसादमासेदुषि मानसेऽस्मिन् नैवास्त्यदेयं महतां हि किञ्चित् ||२३४|| विवाह्य तां मङ्गलकुम्भ एवं समाश्रयद् वासगृहं स यावत् । तावद् भुजिष्याभिरुदीर्यमाणाः स्वयं समाकर्णयति स्म वाचः || २३५|| निर्गम्यतां सांप्रतमेष गेहात्प्रयोजनं नः परिपूर्णमेव ।
सख्यः क्षणं तिष्ठतु स प्रतिष्ठः प्रवर्त्तते यावदिदं तमोऽपि ॥ २३६|| तासां गिरः कर्णपथं स नीत्वा विमृश्य चित्तेन निमेषमात्रम् । शरीरचिन्तामिषतोऽभिमानी विनिर्ययौ वासगृहात् सवेगम् ||२३७|| सुवर्णपात्रं सलिलैः प्रपूर्णं स्वपाणिनादाय नरेन्द्रकन्या । तमन्वयासीद् रभासाद् रसोत्का सम्पद् यथैव व्यवसायभाजम् ॥२३८॥ वितत्य किञ्चित्किल देहचिन्तामेतं वधूरुन्मनसं समीक्ष्य । ब्रूते स्म किं नाथ ! विबाधते त्वामारोग्यसम्पातकरी बुभुक्षा || २३९ || अभाषमाणे दयिते वधूटी चेटीं समादिश्य पटीरवासा । स्थालं समानाययति स्म चेतः प्रमोदकैर्मोदककैः प्रपूर्णम् ॥२४०|| ताभ्यामुभाभ्यामपि मोदकास्ते निष्कृत्रिमप्रेमसमन्विताभ्याम् । एकत्र पात्रे घनसारसारैरिवाहिता हर्षभरेण भुक्ताः || २४१|| आस्वादमास्वादयतेव तेषामस्या निजस्थानविबोधनाय । तेनेन्दुखण्डैरिव निर्मितानां सौन्दर्यमादर्शयतेत्यवादि ॥२४२॥ स्याच्चेद् विशालासलिलं कथञ्चित् तन्मोदका मानसमोदकाः स्युः द्राक्षारसोत्पादितपानकान्त: सितापरिक्षेपनिदर्शनं च ॥ २४३ ॥
Cibya
Jain Education International
For Personal & Private Use Only
www.jainelibrary.org
