________________
श्रीदेवचन्द्रसूरिविरचितम् • ३७
खमेयव्वं च जं किंचि सहवासनिवासिणा । कयं पहुत्तदोसेण मए तुम्हाण मंगुलं ||३९३ || जाव आगच्छई को वि गुरू सद्धम्मकोविओ । माणुसत्तं चलं ताव करिस्सामि महाफलं ॥३९४|| एत्थंतरम्मि उज्जाणपालओ आगओ नरो । जंपए 'देव ! पीईए वद्धाविज्जसि संपयं ॥ ३९५|| जम्हा हु आगओ एत्थ उज्जाणम्मि मणोरमे । दिव्वनाणी जसोभद्दो सूरी साहसमन्निओ' ||३९६ || "अहो ! मे पुण्णसंपत्ती जेण पुन्ना मणोरहा" । दाडं सव्वुत्तमं तस्स पारितोसियमप्पणा || ३९७|| गओ सूरिस्स पायाणं वंदणत्थं नरेसरो । वंदिऊणं णिवेएइ सव्वभावेण अप्पयं ॥ ३९८॥ गुरुणा वि दक्खिओ सम्मं पहाणणरसंजुओ । करेइ उग्गभावाओ तवोऽणुट्ठाणमाइयं ॥३९९॥ पालए य इमो रज्जं सव्वसामग्गिसंजयं । एत्थंतरम्मि पच्चंतरायाणो समुवट्ठिया ||४००|| आलोचयंति सव्वे वि 'किराडो एस ठाविओ । ता गिण्हाओ इमं रज्जं एयं णिव्वासिउं लहुं' ||४०१ || एवं आलोचितं सव्वे महासामग्गिसंजुया । संपत्ता देसपज्जंतं तं सोउं कुविओ इमो || ४०२॥ काउं सामग्गियं सव्वं पच्चोणीए विणिग्गओ । लग्गमाओहणं ताण अग्गसेन्नाण दुद्धरं ||४०३||
PoXT9
Jain Education International
For Personal & Private Use Only
www.jainelibrary.org
