________________
श्रीदेवचन्द्रसूरिविरचितम् • ३५ चिंतित्ता बोल्लई राया 'वच्छ ! नो जुत्तमेरिसं । तहा वि पत्थणं तुज्झ न लंघेमि इमं' तओ ॥३७१।। आइसइ 'जाहि रे पाव ! जत्थ नामं पि नो तव । सुणेमि संपयं मुक्को पत्थणाए इमस्स उ' ॥३७२।। सोच्चा समागयं धूयं तओ देवी वि आगया । सव्वोरोहपरीवारा कुणंती वाहदुद्दिणं ॥३७३।। उट्ठित्ता तेहिं तो देवी पणया भत्तिपुव्वयं । एवं सव्वाण संजायं सोक्खमाणंदनिब्भरं ।।३७४।। आणावियाई तत्थेव माया-वित्ताणि राइणा । एवं मंगलकलसो भुंजई भोगसंपयं ।।३७५।। अन्नया तग्गुणोहेण रंजिओ नरनायगो । मंति-सामंतमाईए मेलवित्ताण जंपई ।।३७६।। 'भो ! भो ! सुणेह मे वक्कं तुम्हे दत्तावहाणया । अपुत्तस्स महं एसो पुत्तो देवेहिं आणिओ ॥३७७।। ता देमि रज्जमेयस्स जइ तुम्हाण रोयइ' । ते पयंपंति को देव ! आणं तुम्ह ण इच्छइ ? ॥३७८।। जोगो य एस रज्जस्स जम्हा सव्वगुणालओ ।
आणंदो य अम्हाणं एवं कीरंतए पहू ! ॥३७९।। किंतु जाव पयप्पंति पाया तुम्हाण दुल्लहा । ताव पालेह एयाओ पयाओ तुम्ह भत्तया' ।।३८०।। राइणा जंपियं 'भद्द ! पुव्वपुरिसाऽणुचिन्नयं । अहं धम्मं पवज्जामि तुम्हेहिं अणुमन्निओ' ।।३८१।।
PASAQ
Jain Education International
For Personal & Private Use Only
www.jainelibrary.org
