________________
विभाग-१, षड्दर्शनसूत्रसंग्रहः - वैशेषिकदर्शनम्
अथ पञ्चमोऽध्यायः प्रथममाह्निकम्
१. आत्मसंयोगप्रयत्नाभ्यां हस्ते कर्म । २. तथा हस्तसंयोगाच्च मुषले कर्म ।
३. अभिघातजे मुषलादौ कर्मणि व्यतिरेकादकारणं हस्तसंयोगः ।
४. तथात्मसंयोगो हस्तकर्मणि ।
५. अभिघातान्मुषलसंयोगाद्धस्ते कर्म ।
६. आत्मकर्म हस्तसंयोगाच्च ।
७. संयोगाभावे गुरुत्वात् पतनम् ।
८. नोदनविशेषाभावान्नोर्ध्वं न तिर्यग्गमनम् ।
९. प्रयत्नविशेषान्नोदनविशेषः ।
१०. नोदनविशेषादुदसनविशेषः । ११. हस्तकर्मणा दारककर्म व्याख्यातम् । १२. तथा दग्धस्य विस्फोटने ।
यत्नाभावे प्रसुप्तस्य चलनम् ।
१३.
१४. तृणे कर्म वायुसंयोगात् ।
१५. मणिगमनं सूच्यभिसर्पणमदृष्टकारणम् ।
१६. इषावयुगपत् संयोगविशेषाः कर्मान्यत्वे हेतुः ।
१७. नोदनादाद्यमिषोः कर्म तत्कर्मकारिताच्च संस्कारदुत्तरं तथोत्तरमुत्तरं च ।
१८. संस्काराभावे गुरुत्वात् पतनम् ।
॥ इति कणादसूत्रपाठे पञ्चमाध्यायस्य प्रथममाह्निकम् ॥
द्वितीयमाह्निकम्
१. नोदनाभिघातात् संयुक्तसंयोगाच्च पृथिव्यां कर्म । २. तद्विशेषेणादृष्टकारितम् ।
३. अपां संयोगाभावे गुरुत्वात् पतनम् ।
४. द्रवत्वात् स्यन्दनम् । ५. नाड्यो वायुसंयोगादारोहणम् । ६. नोदनापीडनात् संयुक्तसंयोगाच्च ।
२१३
७. वृक्षाभिसर्पणमित्यदृष्टकारितम् । ८. अपां सङ्घातो विलयनं च तेजः संयोगात् । Jain तत्र विस्फूर्जथुर्लिङ्गम् ।
For Personal & Private Use Only
www.jainelibrary.org
