________________
विभाग-१, षड्दर्शनसूत्रसंग्रहः - मीमांसादर्शनम्
१६. पशौ च पुरोडाशे समानतन्त्रं भवेत् ।
१७. अग्नियोगः सोमकाले तदर्थत्वात् संस्कृतकर्मणः परेषु साङ्गस्य तस्मात्
सर्वापवर्गे विमोकः स्यात् ।
१८. प्रधानापवर्गे वा तदर्थत्वात् ।
१९. अवभृथे च तद्वत् प्रधानार्थस्य प्रतिषेधो ऽपवृक्तार्थत्वात् ।
२०. अहर्गणे च प्रत्यहं स्यात् तदर्थत्वात् ।
२१. सुब्रह्मण्या तु तन्त्रं दीक्षावदन्यकालत्वात्
२२. तत्कालत्वादावर्तेत प्रयोगवतो विशेषसंयोगात् । २३. अप्रयोगाङ्गमिति चेत् ।
२४. स्यात् प्रयोगनिर्देशात् कर्तृभेदवत् ।
२५. तद्भूतस्थानादग्निवदिति चेत्, तदपवर्गस्तदर्थत्वात् । २६. अग्निवदिति चेत् ।
२७. न प्रयोगसाधारण्यात् ।
२८. लिङ्गदर्शनाच्च । २९. तद्धि तथेति चेत् ।
३०. न शिष्टत्वादितरन्यायत्वाच्च ।
३१. विध्येकत्वादिति चेत् ।
३२. न कृत्स्नस्य पुनः प्रयोगात् प्रधानवत् ।
३३. लौकिकेषु यथाकामी संस्कारानर्थलोपात् स्यात् ।
३४. यज्ञायुधानि धार्येरन् प्रतिपत्तिविधानाद्ऋजीषवत् ।
३५. यजमानसंस्कारो वा तदर्थः श्रूयते तत्र यथाकामी तदर्थत्वात् ।
३६. मुख्यसाधारणं वा मरणस्यानियतत्वात्
३७. यो वा यजनीयेऽहनि म्रियते सोऽधिकृतः स्यादुपवेषवत् ।
३८. न शास्त्रलक्षणत्वात् ।
३९. उत्पत्तिर्वा प्रयोजकत्वादाशिरवत् ।
४०. शब्दासामञ्जस्यमिति चेत् ।
४१. तथाऽऽशिरे ।
४२. शास्त्रात्तु विप्रयोगस्तत्रैकद्रव्यचिकीर्षा प्रकृतावथेहापूर्वार्थवद् भूतोपदेशः ।
४३. प्रकृत्यर्थत्वात् पौर्णमास्याः ।
Jain Education International
१२९
For Personal & Private Use Only
www.jainelibrary.org
