________________
१२८
विभाग- १, षड्दर्शनसूत्रसंग्रहः - मीमांसादर्शनम्
५७. अप्रकर्षो वाऽर्थहेतुत्वात् सहत्वं विधीयते । ५८. पूर्वस्मिश्चावभृथस्य दर्शनात् । ५९. दीक्षाणां चोत्तरस्य ।
६०. समान: कालसामान्यात् ।
६१. निष्कासस्यावभृथे तदेकदेशत्वात् पशुवत् प्रदानविप्रकर्षः स्यात् । ६२. अपनयो वा प्रतिषिद्धेनाभिसंयोगात् ।
६३. प्रतिपत्तिरिति चेन्न, कर्मसंयोगात् ।
६४. उदयनीये च तद्वत् ।
६५. प्रतिपत्तिर्वा कर्मसंयोगात् ।
६६. अर्थकर्म वा शेषत्वाच्छ्रयणवत्तदर्थेनविधानात् । ॥ इति एकादशाध्यायस्य द्वितीयः पादः ॥
तृतीयः पादः
१. अङ्गानां मुख्यकालत्वाद्वचनादन्यकालत्वम् ।
२. द्रव्यस्याकर्मकालनिष्पत्तेः प्रयोगः सर्वार्थ: स्यात् स्वकालत्वात् ।
३. यूपश्चाकर्मकालत्वात् ।
४. एकयूपं च दर्शयति ।
५. संस्कारास्त्वावर्तेरन्नर्थकालत्वात् ।
६. तत्कालस्तु यूपकर्मत्वात्तस्य धर्मविधानात् सर्वार्थानां च
वचनादन्यकालत्वम् ।
७. सकृन्मानं च दर्शयति ।
८. स्वरुस्तन्त्रापवर्गः स्यादस्वकालत्वात् ।
९. साधारणे वाऽनुनिष्पत्तिस्तस्य साधारणत्वात् ।
१०. सोमान्ते च प्रतिपत्तिदर्शनात् ।
११. तत्कालो वा प्रस्तरवत् ।
१२. न चोत्पत्तिवाक्यत्वात् प्रदेशात् प्रस्तरे तथा ।
१३. अहर्गणे विषाणाप्रासनं धर्मविप्रतिषेधादन्त्ये प्रथमे वाहनि विकल्पः
स्यात् ।
१४. पाणेस्त्वश्रुतिभूतत्वाद्विषाणानियमः स्यात् प्रातः सवनमध्यत्वाच्छिष्टं
चाभिप्रवृत्तत्वात् ।
१५. वाग्विसर्गो हविष्कृता बीजभेदे तथा स्यात् ।
Jain Education International
For Personal & Private Use Only
www.jainelibrary.org
