________________
विभाग-१, षड्दर्शनसूत्रसंग्रहः - मीमांसादर्शनम्
द्वितीयः पादः
१. एकदेशकालकर्तृत्वं मुख्यानामेकशब्दोपदेशात् ।
२. अविधिश्चेत् कर्मणामभिसम्बन्धः प्रतीयेत तल्लक्षणार्थाभिसंयोगाद्विधित्वाच्चेतरेषां प्रतिप्रधानं भावः स्यात् ।
१२६
३. अङ्गेषु च तदभावः प्रधानं प्रतिनिर्देशात् ।
४. यदि तु कर्मणो विधिसम्बन्धः स्यादेकशब्द्यात् प्रधानार्थाभिसंयोगात् । ५. तथा चान्यार्थदर्शनम् ।
६. श्रुतिश्चैषां प्रधानवत् कर्मश्रुतेः परार्थत्वात् कर्मणोऽश्रुतित्वाच्च । ७. अङ्गानि तु विधानत्वात् प्रधानेनोपदिश्येरन् तस्मात् स्यादेकदेशत्वम् । ८. द्रव्यदेवतं तथेति चेत् ।
९. न चोदनाविधिशेषत्वात् नियमार्थो विशेषः ।
१०. तेषु समवेतानां समवायात्तन्त्रमङ्गानि भेदस्तु तद्भेदात् कर्मभेदः प्रयोगे स्यात् तेषां प्रधानशब्दत्वात् तथा चान्यार्थदर्शनम् ।
११. इष्टिराजसूयचातुर्मास्येष्वैककर्म्यादङ्गानां तन्त्रभावः स्यात् । १२. कालभेदान्नेति चेत् ।
१३. न एकदेशत्वात् पशुवत् ।
१४. अपि वा कर्मपृथक्त्वात्तेषां तन्त्रविधानात् साङ्गानामुपदेशः स्यात् । १५. तथा चान्यार्थदर्शनम् ।
१६. तथा तदवयवेषु स्यात् ।
१७. पशौ तु चोदनैकत्वात्तन्त्रस्य विप्रकर्षः स्यात् ।
१८. तथा स्यादध्वरकल्पेष्टौ विशेषस्यैककालत्वात् । १९. इष्टिरिति चैकवच्छुतिः ।
२०. अपि वा कर्मपृथक्त्वात्तेषां तन्त्रविधानात् साङ्गानामुपदेशः स्यात् ।
२१. प्रथमस्य वा कालवचनम् ।
२२. फलैकत्वादिष्टिशब्दो यथान्यत्र ।
२३. वसाहोमस्तन्त्रम् ऐकदेवतेषु स्यात् प्रदानस्यैककालत्वात् ।
२४. कालभेदात्त्वावृत्तिर्देवताभेदे ।
२५. अन्ते यूपाहुतिस्तद्वत् । २६. इतरप्रतिषेधो वा
२७. अशास्त्रत्वाच्च देशानाम् ।
Jain Education International
For Personal & Private Use Only
www.jainelibrary.org
