________________
विभाग-१, षड्दर्शनसूत्रसंग्रहः - मीमांसादर्शनम्
३२. तथा तद्ग्रहणे स्यात् । ३३. अपूर्वतां तु दर्शयेत् ग्रहणस्यार्थवत्त्वात् । ३४. ततोऽपि यावदुक्तं स्यात् ।
३५. स्विष्टकृद्भक्षप्रतिषेधः स्यात् तुल्यकारणत्वात् । ३६. अप्रतिषेधो वा दर्शनादिडायां स्यात् ।
३७. प्रतिषेधो वा विधिपूर्वस्य दर्शनात् ।
३८. शंय्विडान्तत्वे विकल्पः स्यात् परेषु पत्न्यनुयाजप्रतिषेधोऽनर्थकः
स्यात् ।
३९. नित्यानुवादो वा कर्मणः स्यादशब्दत्वात्
४०. प्रतिषेधार्थवत्त्वात् चोत्तरस्य परस्तात् प्रतिषेधः स्यात् ।
४१. प्राप्तेर्वा पूर्वस्य वचनादतिक्रमः स्यात् ।
४२. प्रतिषेधस्य त्वरायुक्तत्वात् तस्य च नान्यदेशत्वम् । ४३. उपसत्सु यावदुक्तमकर्म स्यात् ।
४४. स्त्रौवेण वा गुणत्वात् शेषप्रतिषेधः स्यात् ४५. अप्रतिषिद्धं वा प्रतिषिध्य प्रतिप्रसवात् । ४६. अनिज्या वा शेषस्य मुख्यदेवतानभीज्यत्वात् । ४७. अवभृथे बर्हिषः प्रतिषेधात् शेषकर्म स्यात् ।
४८. आज्याभागयोर्वा गुणत्वात् शेषप्रतिषेधः स्यात् ।
४९. प्रयाजानां त्वेकदेशप्रति षेधात् वाक्यशेषत्वम् तस्मान्नित्यानुवादः स्यात् ।
५०. आज्यभागयोर्ग्रहणं नित्यानुवादो गृहमेधीयवत् स्यात् ।
५१. विरोधिनामेकश्रुतौ नियमः स्यात् ग्रहणस्यार्थवत्त्वात् शरवच्च श्रुतितो
विशिष्टत्वात् ।
५२. उभयप्रदेशान्नेति चेत् ।
५३. शरेष्वपीति चेत् ।
५४. विरोध्यग्रहणात्तथा शरेष्विति चेत् ।
१९९
५५. तथेतरस्मिन् ।
५६. श्रुत्यानर्थक्यमिति चेत् ।
५७. ग्रहणस्यार्थवत्त्वादुभयोरप्रतिपत्तिः स्यात् । ५८. सर्वासाञ्च गुणानामर्थवत्त्वाद् ग्रहणमप्रवृत्ते स्यात् ।
५९. अधिकं स्यादिति चेत् ।
Jain Education International
For Personal & Private Use Only
www.jainelibrary.org
