________________
विभाग-१, षड्दर्शनसूत्रसंग्रहः मीमांसादर्शनम्
१५. अभ्यासो वाऽविकारात् स्यात् ।
१६. पशुस्त्वेवं प्रधानं स्यादभ्यासस्य तन्निमित्तत्वात् तस्मात्समासशब्दः स्यात् । १७. अश्वस्य चतुस्त्रिंशत् तस्य वचनाद् वैशेषिकम् । १८. तत् प्रतिषिध्य प्रकृतिर्नियुज्यते सा चतुस्त्रिंशद्वाच्यत्वात् ।
१९. ऋग्वा स्यादाम्नातत्वादविकल्पश्च न्याय्यः ।
२०. तस्यां तु वचनादैरवत् पदविकारः स्यात् । २१. सर्वप्रतिषेधो वाऽसंयोगात् पदेन स्यात् । २२. वनिष्ठुसन्निधानादुरुकेण वपाभिधानम् । २३. प्रशंसाऽस्यभिधानम् ।
-
२४. बाहुप्रशंसा वा ।
२५. श्येनशलाकश्यपकवषस्त्रेकपर्णेष्वाकृतिवचनं प्रसिद्धसन्निधानात् ।
२६. कात्र्यं वा स्यात्तथाभावात् ।
२७. अध्रिगोश्च तदर्थत्वात् ।
२८. प्रासङ्गिके प्रायश्चित्तं न विद्यते परार्थत्वात्तदर्थे हि विधीयते ।
२९. धारणे च परार्थत्वात् ।
३०. क्रियार्थत्वादितरेषु कर्म स्यात् ।
३१. न तूत्पन्ने यस्य चोदनाऽप्राप्तकालत्वात् ।
३२. प्रदानदर्शनं श्रपणे तद्धर्मभोजनार्थत्वात् संसर्गाच्च मधूदकवत् ।
३३. संस्कारप्रतिषेधश्च तद्वत् ।
३४. तत्प्रतिषेधे च तथाभूतस्य वर्जनात् ।
३५. अधर्मत्वमप्रदानात् प्रणीतार्थे विधानादतुल्यत्वादसंसर्गः ।
३६. परो नित्यानुवादः स्यात् ।
३७. विहितप्रतिषेधो वा ।
३८. वर्जने गुणभावित्वात् तदुक्तप्रतिषेधात् स्यात् कारणात् केवलाशनम् । ३९. व्रतधर्माच्च लेपवत् ।
४०. रसप्रतिषेधो वा पुरुषधर्मत्वात् ।
४१. अभ्युदये दोहापनयः सधर्मा स्यात् प्रवृत्तत्वात् ।
४२. शृतोपदेशाच्च ।
४३. अपनयो वार्थान्तरे विमानाच्चरुपयोवत्
४४. लक्षणार्था भृतश्रुतिः ।
Jain Education International
१०१
For Personal & Private Use Only
www.jainelibrary.org
