________________
विभाग-१, षड्दर्शनसूत्रसंग्रहः - मीमांसादर्शनम्
२५. अपूर्वे च विकल्पः स्याद्यदि सङ्ख्याविधानम् । २६. ऋग्गुणत्वान्नेति चेत् ।
२७. तथा पूर्ववति स्यात् ।
२८. गुणावेशश्च सर्वत्र । २९. निष्पन्नग्रहणान्नेति चेत् ।
३०. तथेहापि स्यात् ।
३१. यदि वाऽविषये नियमः प्रकृत्युपबन्धाच्छब्देष्वपि प्रसिद्धः स्यात् ।
३२. दृष्टः प्रयोग इति चेत् ।
३३. तथा शरेष्वपि ।
३४. भक्त्येति चेत् ।
३५. तथेतरस्मिन् ।
३६. अर्थस्य चासमाप्तत्वात् न तासामेकदेशे स्यात् ।
॥ इति अष्टमाध्यायस्य तृतीयः पादः ॥
चतुर्थः पादः
१. दर्विहोमो यज्ञाभिधानं होमसंयोगात् ।
२. स लौकिकानां स्यात् कर्तृस्तदाख्यत्वात् ।
३. सर्वेषां वा दर्शनाद्वास्तुहोमे ।
९३
४. जुहोतिचोदनायां वा तत्संयोगात् ।
५. द्रव्योपदेशाद्वा गुणाभिधानं स्यात् ।
६. न लौकिकानामाचार ग्रहणत्वाच्छन्दवतां चान्यार्थविधानात् ।
७. दर्शनाच्चान्यपात्रस्य ।
८. तथाग्निहविषोः ।
९. उक्तश्चार्थसम्बन्धः।
१० तस्मिन् सोमः प्रवर्तेताव्यक्तत्वात् ।
११. न वा स्वाहाकारेण संयोगाद्वषट्कारस्य च निर्देशात्तन्त्रे तेन विप्रतिषेधात् ।
१२. शब्दान्तरत्वात् ।
१३. लिङ्गदर्शनाच्च ।
१४. उत्तरार्थस्तु स्वाहाकारो यथा साप्तदस्यं तत्राविप्रतिषिद्धा पुनः प्रवृत्तिलिङ्गदर्शनात् पशुवत् ।
१५. अनुत्तरार्थो वाऽर्थवत्त्वादानर्थक्याद्धि प्राथम्यस्योपरोधः स्यात् ।
Jain Education International
For Personal & Private Use Only
www.jainelibrary.org
