________________
श्रीदानोपदेशमाला (गा. ६.) तेभ्यो वस्तुद्वयं दत्त्वा, श्रेष्ठी संविग्नमानसः । प्रवव्राज च वव्राज मुक्तिकान्तानिकेतनम् ॥ ३०७॥ गृहीत्वौषधसामग्री जीवानन्दसमन्विताः । ते पञ्चापि मुनेः पार्श्वे चिकित्सार्थं [समागताः ॥३०८ ॥ वटवृक्षतले कायोत्सर्गसंस्थं मुनीश्वरम् । नत्वाहुस्तेऽनुजानीहि,] चिकित्सार्थं हि नः प्रभो! ॥ ३०९ ॥ ते गोकलेवरं पार्श्वे मुक्त्वा तैलेन रोगिणः । अङ्गप्रत्यङ्गकाभ्यङ्ग व्यधुर्विधिविशारदाः ॥ ३१०॥ उष्णवीर्येण तैलेन तापिताः कृमयो बहिः । मुनिदेहाद्विनिर्जग्मुर्बिलान्मर्कोटका इव ॥ ३११ ॥ ततो वैद्यसुतो न्यस्थान्मुनेरुपरि कम्बलम् । शीतत्वात्कृमयस्तत्र लग्ना यूका इवाम्बरे ॥ ३१२ ।। स वैद्यः कम्बलं मन्दं झाटयन् गोकलेवरे । कृमीनपातयदहो सतां कोऽपि कृपोदयः ॥ ३१३ ॥ तापाक्रान्तं यतिं शीतैश्चन्दनैरमृतैरिव ।। विलिप्याश्वासयामास सविद्यो वैद्यनन्दनः ॥ ३१४ ॥ एवं त्रिर्विहिते तेन त्वग्मांसास्थिगतैर्बहिः । निर्गतैः कृमिभिः सर्वैर्मुनिर्नीरोगतां गतः ॥ ३१५ ॥ संरोहणौषधैः साधो रुरुचे रोचिषा तनौ । बोधिना च समित्रस्य जीवानन्दस्य दिद्युते ॥ ३१६ ॥ तैर्दक्षैः क्षमितः साधुरन्यत्र विजहार सः । ततस्तेऽपि तयोर्द्रव्येणार्हद्गृहमकारयन् ॥ ३१७॥ जिनार्यों रचयन्तस्तेऽन्यदा सद्गुरुसंनिधौ । धर्मं श्रुत्वा षडप्याशु मित्राण्याददिरे व्रतम् ॥ ३१८॥ पूर्वं संलेखनां कृत्वा, पश्चादनशनं च ते । मृत्वा कल्पेऽच्युतेऽभूवन्निन्द्रसामानिकाः सुराः ॥ ३१९॥
Jain Education International
For Personal & Private Use Only
www.jainelibrary.org
