________________
१६
श्रीदानोपदेशमाला (गा. ६.) सुतं राज्येऽभिषिच्यैवं ततः शतबलो नृपः । गुरुपार्श्वेऽग्रहीद्दीक्षां विद्यामिव विशारदः ॥ ९१॥ राजर्षिदुःसहानेष, सहमानः परीषहान् । चारित्रं पालयित्वा च द्युसदां सद्म जग्मिवान् ॥ ९२॥ महाबलोऽपि भूपालः, पितृवत्पालयन् प्रजाम् । दुरान् वारयामास, तमोऽरीन् भानुमानिव ॥ ९३ ॥ विललास प्रजापालः सोऽबलाभिरहर्निशम् । क्षीरोदनन्दन इव, तारिकाभिरनेकशः ॥ ९४॥ संगीतादिविनोदेषूद्यानादिक्रीडनेषु च । मदोन्मत्तकरीवायं, गमयामास वासरान् ॥ ९५॥ अन्यदामात्यसामन्तै, राज्यस्तम्भैरिवापरैः । समन्वितोऽवनीजानिः, सभामण्डपमासदत् ॥ ९६ ॥ तत्रामात्याः स्वयंबुद्धसंभिन्नमतिनामकौ । महामतिः शतमतिस्ते चत्वारोऽप्युपाविशन् ॥ ९७ ।। सम्यग्दर्शनभाक् स्वामिभक्तिनीरधिचन्द्रमाः । स्वयंबुद्धमहामात्यश्चेतस्येवमचिन्तयत् ॥ ९८॥ मन्त्रिभावं धिगस्माकं, पश्यतामपि यत्प्रभुः । दुर्दान्तैरिन्द्रियैरश्वैरिवाध: परिपात्यते ॥ ९९॥ 'तद्विज्ञप्य नृपोऽस्माभिः, स्थापनीयो हिते पथि । भृत्यास्त एव हि श्लाध्याः, प्रभूणां ये हितैषिणः ॥ १००॥ रोचिष्यते न मे वाक्यं, यद्यप्यन्यानुजीविनाम् । तथापि स्वामिनः पथ्यं, कथयिष्यामि संप्रति ॥ १०१ ॥ विमृश्येति स्वयंबुद्धो महाबलमहीपतिम् । व्यजिज्ञपदिदं मूर्ध्नि संयोजितकराञ्जलिः ॥ १०२ ।।
Jain Education International
For Personal & Private Use Only
www.jainelibrary.org
