________________
३४६
श्रीदानोपदेशमाला (गा. ७६)
वत्स! पृच्छ निजं कान्तं कुतस्तव धनार्जना । सा प्राह नाहं प्रष्टास्मि, तल्लुब्धे! पृच्छ तत्स्वयम् ॥ १०६ ।। सा निस्त्रपान्यदाप्राक्षीत्तं धनार्जनकारणम् । सोऽप्याह पादुकारूढो, दूरादम्बार्थमानये ॥ १०७ ।। सहसा सहसा साह समाकयेति तन्मुखात् । हे स्वान्त! नृत्य यत्तेऽद्य फलन्ति स्म मनोरथाः ॥ १०८ ॥ वत्स! त्वद्विरहादेवं जगृहेऽभिग्रहो महान् । यदा त्वया समं मेलो दैवाद् भावी तदा मुदा ॥ १०९॥ वार्द्धावम्बरशैलस्थकामारीमर्चयित्र्यहम् ।। त्वत्पादुकाप्रभावेण, स चास्तु सफलो मम ॥ ११०॥ युग्मम् ॥ अहो प्रपञ्चचातुर्यमस्याः किमपि चित्रकृत् । यन्मामपिच्छलयितुं, दुष्टा प्रववृते पुनः ॥ १११ ।। तत्प्रपञ्चममुं चास्या मस्तके पातयाम्यहम् । प्रक्षिप्यैनामनेनैवोपाधिनागाधिवारिधौ ॥ ११२ ।। उपाधिना-छद्मना । पादुके परिधायैष विहस्य प्राह मेहरीम् । पदयोर्लग मे स्थानं यथा यामि तवेप्सितम् ॥ ११३ ॥ मेहरीम्-अक्काम् । तथा कृते तया सोऽपि नभस्युड्डीय तत्क्षणात् । अनङ्गायतनं प्राप्य, पादुके द्वारि मुक्तवान् ॥ ११४ ॥ यावद्याति स कामार्चाकृते तावद् दुराशया । पादयोः पादुके क्षिप्त्वा कुट्टिनी गृहमागमत् ॥ ११५ ॥ सोऽनङ्गप्रतिमापूजां कृत्वा स्म वलते यदा । तदैते पादुके नैव ददर्श न च कुट्टिनीम् ॥ ११६ ॥
Jain Education International
For Personal & Private Use Only
www.jainelibrary.org
