________________
३२४
श्रीदानोपदेशमाला (गा. ६७) कटुतुम्बिकाफलम् , क्षपकसाधुपारणके-मासिकभक्तकानगारपारणे, दत्त्वा-वितीर्य, नागश्रिया-सोमदेवधिग्जातिजायया, दुःखरिंछोलीइहपरभवासातततिरनुभूता-अनुबभूवे, अतो भो भव्या! यूयं प्रेक्षध्वंपश्यतेति गाथार्थः ।। भावार्थः पुनरयम् तथाहिभरतेऽस्ति पुरी चम्पा यनिकेतनकेतनैः । रविस्यन्दनगन्धर्वाः स्खल्यन्ते चतुरा अपि ॥ १॥ तत्र विप्रास्त्रयः सन्ति वेदविद्याविशारदाः ।। सोमदेवः सोमभूति: सोमदत्तश्च सोदराः ॥ २॥ तेषां क्रमात्प्रियास्तिस्रो नृपाणामिव शक्तयः । नागश्रीभूतयज्ञश्रीसंज्ञिके विज्ञताश्रिताः ॥३॥ तैरन्योन्यं समालोच्येयं स्थितिर्बान्धवैः कृता । यद् भोक्तव्यं क्रमादेकबन्धोर्गेहेऽखिलैरपि ॥ ४॥ नागश्रीरन्यदा स्वीयवारकाहेऽतिहर्षतः । सरसां व्यञ्जनै रम्यां चक्रे रसवती रयात् ॥ ५॥ तया मतिविमोहेन पक्वतुम्बीफलं कटु । अनेकद्रव्यसंस्कारमनोहरमपच्यत ॥ ६॥ तस्य स्वरूपं विज्ञाय पाकान्ते पापकर्मतः । सा स्मरन्ती बहुद्रव्यव्ययं नौज्झद् दुराशया ॥ ७॥ हालाहलमिव क्वापि तच्च तुम्बीफलं द्विजी । संगोप्य स्थापयामास ही विपाकः कुकर्मणाम् ॥ ८॥ स्वैरं ते सपरीवारा जीवितेश्वरदेवराः । तयान्यैर्भोजिता भोज्यैस्ततो गेहाद् बहिर्गताः ॥ ९॥ अथ चम्पापुरोद्याने ज्ञानभासितभूतलाः । समीयुर्धर्मघोषाख्याः सूरयः सपरिच्छदाः ॥ १० ॥
Jain Education International
For Personal & Private Use Only
www.jainelibrary.org
