________________
३२३
अदेयाशनादिस्वरूपम् विद्यया रञ्जितो राजा तस्मै प्रादात्पितुः पदम् । व्रजन्तु यत्र तत्रैव गुणिनो गौरवास्पदम् ॥ ६२ ॥ ततो लब्धप्रसादोऽश्वाधिरूढो वैद्यनन्दनः । सामन्तादिजनैर्युक्तः सोत्सवं गृहमागमत् ॥ ६३ ॥ साधुलोकोपकारेषु निरतोऽविरतोद्यतः । सोऽर्जयित्वा यशोलक्ष्मी भुक्त्वा सुगतिभागभूत् ॥ ६४ ॥ इति विभाव्य भिषक्तनुजन्मनश्चरितमात्मविघातसुदारुणम् । उपकृतिं न कुपात्रजने क्वचिद्वितनुतां सुकृती हितहेतवे ॥ ६५॥
___ (द्रुतविलम्बितम्) इति श्रीरुद्रपल्लीयगच्छशृङ्गारहार श्रीसंघतिलकसूरिशिष्यश्रीदेवेन्द्रसूरिविरचितायां
___ श्रीदानोपदेशमालावृत्तौ कुपात्रोपकारदानविषये वैद्यसुतकथा समाप्ता॥ कुपात्रोपकारदानवैषयिकी वैद्यसुतकथामुक्त्वा साधुभ्यः कीदृगाहारादि न दीयते इत्याहजं परउवघायकरं पडिकुटुं अत्तणो अकित्तिकरं । सुविशुद्धं पि न देयं असणचउक्कं जईणं तं ॥६६॥
___ व्याख्या-यत्परोपघातकं-परप्राणितापहारि, प्रतिकुष्टं-सिद्धान्तनिषिद्धम्, आत्मनोऽकीर्तिकरं धिगमुं दुष्टात्मानमद्रष्टव्यमुखमित्याद्ययशस्करम् , तत्सुविशुद्धमपि-उद्गमादिदोषमुक्तमपि अशनचतुष्कमशनपान-खादिम-स्वादिमरूपम् यतिभ्यो न देयमनर्थहेतुत्वादिति गाथार्थः ॥ पात्रेभ्य ईदृशमशनादिकं वितीर्णं सदत्यर्थमनर्थाय जायत इत्याहविससरिसं कडुतुम्बं दाऊणं खवयसाहुपारणए । पिच्छह णागसिरीए अणुहविया दुक्खरिंछोली ॥ ६७॥
व्याख्या-विषसदृशं प्राणिप्रणाशकत्वाद् गरलप्रायम्, कटुतुम्बं
Jain Education International
For Personal & Private Use Only
www.jainelibrary.org
