________________
अतुष्टि-तुष्टिविषये निधिदेव - भोगदेवकथा
रणन्मञ्जीरगम्भीरध्वनैर्बधिरिताम्बराम् ।
वराम्बरधरां काञ्चिद्दिव्यां नारीं निरैक्षत ॥ ८५ ॥ मन्त्री ससंभ्रमं तल्पात्समुत्थाय सविस्मयः । तामभाषत कासि त्वं किमर्थं समुपेयुषी ॥ ८६ ॥ साप्याह कुलदेव्यस्मि, निधिभोगाग्रदेवयोः I अत्रायाता तवामात्य ! संदेहापोहहेतवे ॥ ८७॥ शृणु भो ! निधिदेवेन प्राग्भवे तुष्टिवर्जितम् । दानं दत्तमभूत्तेनाभोगी सत्यपि वैभवे ॥ ८८ ॥ भोगदेवः पुनः पूर्वभवे तुष्टिसमन्वितम् । दानं ददौ मुनीन्द्रेभ्यस्तेनासौ पुण्यभोगभाक् ॥ ८९ ॥ निधिदेवो धनाढ्योऽभूद् भोगदेवश्च भोगवान् । मयादर्शि विशेषोऽयं त्वया वाच्यश्च भूभुजे ॥ ९० ॥ एवं प्रबोध्य मन्त्रीन्दु, कुलदेवी तिरोदधे । सोऽप्यनैषीन्निशाशेषमशेषमपि पारताम् ॥ ९१॥ ततः प्रातर्महामात्यः श्रेष्ठिनो भोगदेवतः । अवाप्तमानो विज्ञातप्रत्ययः स्वपुरं ययौ ॥ ९२॥ तयोर्वृत्तान्तकथनाद्विशल्यासंगमादिव ।
नृपस्वान्तस्थसंदेहशल्यमुद्धृतवानयम् ॥ ९३॥
गुरुवचोऽनुगतं चरिताद्भुतं समधिगम्य तयोः सचिवाननात् । स धरणीरमणीरमणस्ततः प्रभृति दानपरो दिवमासदत् ॥ ९४ ॥ (द्रुतविलम्बितम्)
३१५
इत्थं चरित्रं निधिदेवभोगदेवाह्वयोः श्रोत्रपथं प्रणीय । दानं ददीध्वं भविकाः ! प्रमोदाद्, यथा भवेद्वः परमार्थसिद्धिः ॥ ९५ ॥ (उपजाति: )
इति श्रीरुद्रपल्लीयगच्छशृङ्गारहार श्रीसंघतिलकसूरिशिष्य श्रीदेवेन्द्रसूरिविरचितायां श्रीदानोपदेशमालावृत्तौ अतुष्टि - तुष्टिविषये निधिदेवभोगदेव श्रेष्ठिकथा समाप्ता ॥
Jain Education International
For Personal & Private Use Only
www.jainelibrary.org
