________________
३१२
श्रीदानोपदेशमाला (गा. ६१) तुङ्गताभ्रङ्कषं शातकुम्भकुम्भविभूषितम् । जगाम धाम सश्रीकं विमानमिव दैवतम् ॥ ४९॥ युग्मम् ।। तस्मै विनीतविनयो द्वारपालोऽतिवेगतः । समुत्थाय स्वयं भद्रासनं दत्त्वेदमब्रवीत् ॥ ५० ॥ भद्रोपविश तावत्त्वमत्र यावन्नृपौकसः । श्रेष्ठी समेति तच्छ्रुत्वा सोऽप्यासनमशिश्रियत् ॥ ५१ ॥ तदा राजकुलादश्वाधिरूढं प्रौढविभवम् । भट्टथट्टकृतापारसारस्फारजयारवम् ॥ ५२॥ ददानं दानमर्थिभ्यश्चम्पाधिपमिवापरम् । श्रीभोगदेवमायान्तं दृष्ट्वा मन्त्री तमभ्यगात् ॥ ५३॥ युग्मम् ॥ सोऽपि संमुखमायातं सचिवं वीक्ष्य तार्क्षतः । अवतीर्य समालिङ्गदहो सुविनयः सताम् ॥ ५४॥ ततोऽसौ भोगदेवाख्यश्रेष्ठिराट् तेन मन्त्रिणा । सहितो महितो लोकैर्निजं सदनमासदत् ॥ ५५ ॥ सुरूपं सुभगं विज्ञमकलङ्क विवेकिनम् । . सोऽस्य पश्यन् परीवारं, वारंवारं विसिष्मिये ॥ ५६ ॥ वरासिं परिधाप्यास्य स सुगन्धोष्णशीतलैः । सलिलैः स्नपयामास सिचा चाङ्गममार्जयत् ॥ ५७॥ चीनांशुकेन संभूष्य सचिवं श्रेष्ठिपुंगवः । स्वेन साकं गृहार्चानामर्चनाकृतयेऽनयत् ॥ ५८॥ श्रेष्ठ्यमात्यौ प्रभावेनाप्रतिमाः प्रतिमाः प्रभोः । अष्टप्रकारपूजाभिः पूजयामासतुर्मुदा ॥ ५९॥ स्तोत्रैर्विचित्रैः संगीतैः सुगीतैश्च निषेव्य ताः । श्रेष्ठिमन्त्रिवरौ हृष्टावीयितुर्भोज्यमण्डपम् ॥ ६० ॥
Jain Education International
For Personal & Private Use Only
www.jainelibrary.org
