________________
अस्याः
HH.
॥
५५॥
३०२
श्रीदानोपदेशमाला (गा. ५९) दैवादकस्मात् कोऽप्यन्योऽभ्येत्य मञ्चीप्रयोगतः । अस्याः करग्रहं कृत्वा जगाम स्थानमात्मनः ॥ ५९॥ स तावत्पूर्वमावाभ्यामौत्सुक्यान्नोपलक्षितः । पश्चाद्विवाहे सञ्जाते विदाञ्चक्रेऽर्त्तिनाशिनि ॥ ६० ॥ एतद् दुश्चेष्टितं श्रुत्वा नृपकान्ता जगाद ताम् । आः पापे! किमिदं चक्रे, लोकद्वयविगर्हितम् ॥ ६१ ।। कथंकारमियं वार्ता चण्डकोपस्य भूपतेः । पुरो निवेद्यतेऽवद्या कथनीया तथापि हि ॥ ६२ ॥ ततो राज्ञी समुत्थायावसरं प्राप्य भूभुजे । भीतभीता सती पुत्र्याः कथां सर्वां न्यवेदयत् ॥ ६३॥ राजापि तामुभाकर्णि समाकघैत्यभाषत । प्राणप्रिये! व्रजेदानीं प्रातः कर्त्तास्मि निर्णयम् ॥ ६४॥ ततो दुर्गतको गत्वा साधुवन्दनजं फलम् । साश्चर्यं संस्मरंश्चित्ते, तस्मिन्नेवापणेऽस्वपत् ॥ ६५ ।। अत्रान्तरे महामन्त्रिसुमतेर्मतिशालिनः । वल्लभाया जयावल्यास्तनुजन्माष्टकोपरि ॥ ६६ ॥ सुता बभूव मदनमञ्जरी रतिजित्वरी । पितुर्मातुश्च यात्यर्थं, तनयेभ्योऽपि वल्लभा ॥ ६७॥ युग्मम् ।। अन्यदा सा गवाक्षस्था, संचरन्तं नृपाध्वनि । अपश्यन्नामरूपाभ्यां, श्रेष्ठिसूनुं सुदर्शनम् ॥ ६८॥ तदा निजप्रियापक्षपातं विदधतेव सा । पञ्चबाणेन बाणानां लक्षभावमनीयत ॥ ६९ ।। तद्भाववेदिनी तस्या, वयस्या पद्मिनी जगौ । सखि! स्वं ब्रह्मभिप्रायं, यथाहं साधयामि तम् ॥ ७० ॥
Jain Education International
For Personal & Private Use Only
www.jainelibrary.org
