________________
२६८
श्रीदानोपदेशमाला (गा. ४७)
नृपदत्तसितच्छत्रं धारयन्नश्वकोटिभिः । परीतो गजलक्षैश्च मृगाङ्कः प्राविशत्पुरम् ॥२३६॥ प्राप्तश्च वेश्मन्यानंसीत्पितृमातृपदाम्बुजम् ।
ताभ्यां चाङ्के निवेश्यासावानन्दात्रैरसिच्यत ॥ २३७॥ पूजां संघस्य वस्त्राद्यैर्बिम्बलक्षाणि चार्हताम् । सत्कृती कारयामास यतः श्रीणामिदं फलम् ॥ २३८ ॥ अन्येद्युः कुसुमोद्याने, केवलज्ञानभानुना । तमो विघटयन्नागात्सूरिः श्रीमतिसागरः ॥ २३९॥ सूरेरागमनोदन्तं नृपः श्रीमकरध्वजः ।
उद्यानपालकात् ज्ञात्वा तं वन्दितुमिवागमत् ॥ २४० ॥ मृगाङ्कोऽपि प्रियायुग्मसहितो हितहेतवे ।
केवलज्ञानिनं नन्तुं पौरैः सह समेतवान् ॥ २४१॥ महीपालमृगाङ्कादिषूपविष्टेषु सूरिराट् ।
संसारासारतासारामादिदेशेति देशनाम् ॥ २४२॥ भवाम्भोधौ निमज्जद्भिरङ्गिभी रागरङ्गिभिः । जन्ममृत्युजरादुःखान्यनाथैरिव सेहिरे ॥ २४३ ॥
धनपुत्रकलत्रादिकार्येऽनार्यैः प्रसज्यते ।
हा क्षणमपि स्वीयं विधेयं न विधीयते ॥ २४४ ॥ यद्यस्ति मोक्षसौख्येषु वाञ्छातुच्छा तदा मुदा । कुर्वीत वीतरागोक्ते, धर्मकर्मणि मानसम् ॥ २४५॥ देशनान्ते मृगाङ्कस्तं विज्ञो विज्ञप्तवान् गुरुम् । किमकारि मया कर्म सापाया येन मे श्रियः ॥ २४६॥ दानं दत्त्वाखण्डि भावः प्रभुः प्राह पुराभवे । स एव कथ्यमानस्तेऽग्रे मृगाङ्क ! निशम्यताम् ॥ २४७॥
Jain Education International
For Personal & Private Use Only
www.jainelibrary.org
