________________
२५०
श्रीदानोपदेशमाला (गा. ४७) कलाकलापसम्पूर्णौ तौ विज्ञाय कलागुरुः । तत्पित्रोरर्पयामास ताभ्यां चापूजि सोऽधिकम् ॥ २० ॥ मृगाङ्कस्तद्वचः श्रुत्वा जनकाभ्यां विमार्य च । धनञ्जयसुतां पद्मावतीमेष उढवान् ॥ २१ ॥ सोऽज्ञापयन्निजस्वान्ताभिप्रायं रतकेलिभिः । विललास तया सार्धं, श्रियेव मधुसूदनः ॥ २२॥ एकदा यामिनीयामे, पश्चिमेऽसावचिन्तयत् । पापयाहं तदा हन्त खेदमापादितोऽनया ॥ २३ ॥ इमां मुक्त्वा प्रतिज्ञां चेत्पूरयामि तदानया । सह स्याद्विरहो घोरः कल्पान्तानलसंनिभः ॥ २४ ॥ यद्वा तरोस्तरोर्मूले सुलभो वल्लभाजनः । को वियोगोऽस्य तच्छल्यमुद्धरामि स्वमानसात् ॥ २५ ॥ अथ सागरदत्तोऽस्य, मित्रं दैवात्तदा च हि । कारयामास पोतानां सामग्रीमखिलामपि ॥ २६॥ तस्य व्यतिकरं ज्ञात्वा, मृगाङ्कोऽपि समुत्सुकः । पित्रोरनुज्ञामासाद्य पोतानापूरयद्रयात् ॥ २७॥ गत्वा वासालयं बाष्पजलाविलविलोचनः । स श्रेष्ठिसूः प्रकटितच्छद्या पद्मावतीमवक् ॥ २८॥ पितुरादेशतः प्राणप्रियेऽहं सरितांपतिम् । तरिष्यामि त्वया चात्र, स्थातव्यं स्वच्छचेतसा ॥ २९ ॥ स्वप्नेऽपि न त्वया चिन्त्यं यदसौ मम वल्लभः । रमणीमपरां रन्ता त्वदायत्तो यतोऽस्म्यहम् ॥ ३० ॥ सत्यमेव वचस्तस्य, मन्वाना सा समालपत् । नाथैष्यामि त्वया साकं छायेव विरहासहा ॥ ३१॥
Jain Education International
For Personal & Private Use Only
www.jainelibrary.org
