________________
सत्पात्रदानफलम्
११७ भरतं मुनिमानम्य भावभावितचेतसा । केवलज्ञानमहिमा चक्रे शक्रेण सादरम् ॥ ३३८॥ नृपाणां दशसाहस्री भरतानुपदं व्रतम् । जग्राह तादृशो भर्तुः सेवा किं नो सुखावहा ॥ ३३९ ॥ शक्रोऽपि चक्रिणः पुत्रं श्रीआदित्ययशोभिधम् । स्थापयित्वा पितू राज्ये स्वयं स्वं त्रिदिवं ययौ ॥ ३४० ॥ ततो देशेषु सर्वेषु राजर्षिविहरंश्चिरम् । देशनामृतसेकेनोदलासयदिलावनीम् ॥ ३४१ ।। केवलज्ञानसमयात् पूर्वलक्षे व्यतीयुषि । अष्टापदगिरिं प्राप श्रीमान् भरतकेवली ॥ ३४२ ॥ तत्र मासिकभक्तेन, शशाङ्के श्रवणस्थिते । क्षीणकर्मा यतियुतो भरतः शिवमासदत् ॥ ३४३ ॥ इत्थं यथा भरतचक्रधरेण सप्तक्षेत्रेषु वित्तवरबीजमनिन्द्यमुप्तम् ॥ भव्यैस्तथैव वपनीयमिदं हि तेषु, स्युर्येन निर्वृतिफलानि करस्थितानि ॥३४४॥ (वसन्ततिलका) · ॥ इति श्रीरुद्रपल्लीयगच्छशृङ्गारहारश्रीसंघतिलकसूरिशिष्य-श्रीदेवेन्द्रसूरिविरचितायां
श्रीदानोपदेशमालावृत्तौ सप्तक्षेत्रीदानविषये श्रीभरतचक्रिकथा समाप्ता ॥ सप्तक्षेत्रीदानवैषयिकं श्रीभरतेश्वरदृष्टान्तमुक्त्वैहिकं दानफलमाहइहलोए दाणाओ लहंति भव्वा सुहं च सोहग्गं । जसपसरं ससिसरिसं रज्जं चउरंगबलकलियं ॥ १२॥
___ व्याख्या- इहलोकेऽस्मिन् भवे, भव्या-विवेकिनो, दानात् - सत्पात्रदानात्, सुखं-कलत्रपुत्रमित्रेभ्यः संजातं सातम्, सौभाग्यं-सर्वजनप्रियत्वम्, यशःप्रसरं-कीर्तिपूरम्, शशिसदृशं-सुधाकरसहोदरम्, राज्यं-प्राज्यग्रामाकरनगरकर्बटमडम्बद्रोणाद्याधिपत्यम्, चतुरङ्गबलकलितं
Jain Education International
For Personal & Private Use Only
www.jainelibrary.org
