________________
९२
श्रीदानोपदेशमाला (गा. ११)
तदाज्ञावशगा सापि, भूपायैत्योपदामदात् । अष्टोत्तरं रत्नकुम्भसहस्रं भूरिभास्वरम् ॥ ३८ ॥ तां विसृज्याष्टाहिकाञ्च कृत्वा पारणकं व्यधात् । ततः प्रगत्य वैताढ्ये, चक्रीसेनां न्यवेशयत् ॥ ३९ ॥ चक्रिणस्तपसाकृष्टः, श्रीवैताढ्यकुमारकः । रत्नानि रत्नालङ्कारान्, देवदूष्याणि चार्पयत् ॥ ४०॥ तं विसृज्य ततश्चक्री कृतपारणकक्रियः । तमिस्त्राख्यगुहापार्श्वे, स्कन्धावारं न्यवेशयत् ॥ ४१॥ चक्रेऽष्टमतपः क्ष्मापः कृतमालामरं प्रति । सोऽप्येत्य भरतं नत्वा, प्राभृतं पुरतोऽमुचत् ॥ ४२॥ स्त्रीरत्नार्थमलङ्कारानंशुकानि च भुभुजे ।
सोऽदाच्चक्रयपि सत्कृत्य कृत्यविद् व्यसृजत्सुरम् ॥ ४३॥ राजा कृताष्टाह्निकादिः सुषेणं पृतनापतिम् । सिसाधयिषयादिशत् सिन्धुदक्षिणनिष्कुटम् ॥ ४४॥ सोऽपि शासनमादाय भरतेशस्य सैन्ययुक् । चर्मरत्नं समारुह्योदतारीत् सिन्धुवाहिनीम् ॥ ४५ ॥ सिंहलान् बर्बरांस्तत्र कङ्कणान् कालवक्त्रकान् । म्लेच्छांश्च योनिकाभिक्षान् सुषेणो जितवान् युधि ॥ ४६ ॥ तेऽपि हेममणीवाजिरथेभादिकमादरात् । उपढौक्य शिरस्याज्ञां चक्रिणोऽधारयन्नताः ॥ ४७॥ सुषेणोऽपि विधायैतानुत्खातप्रतिरोपितान् । पूर्ववत्सिन्धुमुत्तीर्य, भरतेशमुपागतः ॥ ४८ ॥ म्लेच्छेभ्य आहृतं दण्डं दण्डनाथ: प्रजेशितुः । अर्पयामास तेनापि सत्कृतः स गृहं गतः ॥ ४९॥
Jain Education International
For Personal & Private Use Only
www.jainelibrary.org
