________________
९०
श्रीदानोपदेशमाला (गा.११) तस्य सेनापुरो यक्षसहस्राधिष्ठितं रवेः । बिम्बं जेतुमिवाचालीच्चक्ररत्नं नभोङ्गणे ॥ १४॥ सुषेणनामा सेनानी दण्डरनं करे दधत् । तुरङ्गरत्नमारूढोऽभवच्चक्रानुगामुकः ॥ १५ ॥ पुरोधा वर्धकिः सूदश्छत्रं चर्म च काकिणी । मणिः खड्गः समं राज्ञा रत्नान्येतान्यथाचलन् ॥ १६ ॥ शकुनैरनुकूलैः स प्रेरितश्चक्रवर्त्मगः । प्रत्यहं योजनं गच्छन् मागधं तीर्थमासदत् ॥ १७॥ तत्र पूर्वाब्धिवेलान्ते, नवद्वादशयोजनीम् । सेनां विस्तारदीर्घाभ्यां, स्थापयामास भूपतिः ॥ १८ ॥ वर्धकि: सैन्यलोकानामावासानकृताद्भुतान् । एकां पौषधशालां च पुण्यद्रोर्वाटिकामिव ॥ १९॥ तत्रागत्य करिस्कन्धात्, समुत्तीर्य विशांपतिः । चित्ते मागधतीर्थेशं, कृत्वाष्टमतपो व्यधात् ॥ २०॥ दर्भसंस्तारके स्थित्वा, पौषधं भरतोऽकरोत् । अष्टमान्ते च संपूर्णपौषधो निरगात्ततः ॥ २१ ॥ समेत्य स्वगृहे स्नात्वा, बलिं कृत्वा यथाविधि । जैत्रं च रथमारुह्याचालीन्मागधपं प्रति ॥ २२ ॥ स्थापयित्वा रथं नाभिदध्नेऽम्भसि पयोनिधौ । सौवर्णं निजनामाई देवताधिष्ठितं शरम् ॥ २३ ॥ चापे रिपुकृताकम्पे समारोप्य नरेश्वरः । नीत्वा कर्णान्तमत्याक्षीन्मागधस्वामिनं प्रति ॥ २४॥ युग्मम् ॥ स योजनान्यतिक्रम्य द्वादशानिलवेगकृत् । शरो वज्रमिवापप्तन्मागधेशस्य पर्षदि ॥ २५ ॥
Jain Education International
For Personal & Private Use Only
www.jainelibrary.org
