________________
श्रीदानोपदेशमाला (गा. ११)
किंविशिष्टम् ? सहस्सित्ति सहस्रसंख्या - अनेका ये स्तम्भास्तैर्निर्वृत्तंतन्मयम्, यत स्तम्भानामेव प्रसादाधारत्वात्, पुनः किंविशिष्टम् ? नाणित्ति, नानाप्रकारा-अनेकधा ये मण्डपास्तेषां या रचना - न्यासविशेषस्तया प्रगुणंप्रधानम्, न हि मण्डपैर्विना प्रासादस्य कापि शोभा स्यात् अत एवंविधं जिनेन्द्राणां भवनं - चैत्यम्, तच्च पञ्चधा - यदुक्तमागमेभेत्ती मंगेलचेइय णिस्सकड अणिस्सकड चेइयं वावि ॥ सासयचेइय पंचममुवइटुं जिणवरिंदेहिं ॥ १ ॥ गिहिजिणपडिमाए भत्तिचेइयं उत्तरंगघडियम्मि । जिणबिंबे मंगलचेइयंति समयण्णुणो बिंति ॥ २ ॥ निस्सकडं जं गच्छस्स संतियं तदियरं अणिस्सकॅडं ॥ सिद्धाययणं च इमं चेइयपणगं विणिदिट्टं ॥ ३ ॥
[बृहत्कल्पभाष्ये १७७१-७२-७३] [प्रवचनसारोद्धारे-६५९-६०-६१]
करोति कारयति वेति क्रियासंबन्धोऽग्रेतनगाथायां ज्ञेयः । एतत्कारापणस्य किमुच्यते फलम्, उक्तं चयस्तृणमयीमपि कुटीं कुर्याद् दद्यात्तथैकपुष्पमपि । भक्त्या परमगुरुभ्यः पुण्योन्मानं कुतस्तस्य ॥१॥ उल्लसिरत्ति, उल्लसन्ती - ऊर्ध्वं प्रसर्पणशीला या किरणमालातेज: परंपरा तया निर्नाशितानि-क्षयं नीतानि यानि द्विविधानि - बाह्याभ्यन्तररूपाणि तिमिराणि तमांसि तेषां प्राग्भारा-निकरा यैस्तानि, पुनः किंभूतानि ? पवालित्ति, प्रवाला - विद्रुमा, मणयः - इन्द्रनीलवैडूर्य-सूर्यकान्त - चन्द्रकान्त - ज्योतीरसाद्या, रजतं - रूप्यम्, कनकंसुवर्णम्, तन्मयानि तैर्निर्वृत्तानि तानि कानीत्याह तिहुयणित्ति, त्रिभुवनगुरूणां - जिनेन्द्राणां बिम्बानि - प्रतिमाः करोति कारयति वेति क्रियासंबन्धोऽग्रेतनगाथायामवसेयः ॥
८६
Jain Education International
For Personal & Private Use Only
www.jainelibrary.org
