Page Text
________________
॥ १७. अंजणाणिव्वासण-हणुयउप्पत्तिअहियारो ॥
केत्तियमेत्ते वि गए, काले गब्भप्पयासया बहवे जाया विविहविसेसा, महिन्दतणयाए देहम्मि ॥१॥ पीणन्नया य थणया, सामलवयणा कडी य वित्थिण्णा ।गब्भभरभारकन्ता, गई य मन्दं समुव्वहइ ॥२॥ एएहि लक्खणेहिं, मुणिया पवणंजयस्स जणणीए । भणिया य जायगब्भा, पावे ! कन्ते पउत्थम्मि ॥३॥ काऊण सिरपणाम, कहेइ पवणंजयागमं सव्वं । मुद्दा य पच्चयत्थं, तह वि य न पसज्जई सासू ॥४॥ भणइ तओ कित्तिमई, जो न वि नामं पि गेण्हई तुझं । सो किह दूरपवासं, गन्तूण पुणो नियत्तेइ ? ॥५॥ धिद्धि ! त्ति दुट्ठसीले !, निययकुलं निम्मलं कयं मलिणं । लोगम्मि गरहणिज्जं, एरिसकम्मं जणन्तीए ॥६॥ एवं बहुप्पयारं, उवलम्भेऊण तत्थ कित्तिमई । आणवइ कम्मकारं, नेहि इमं पियहरं सिग्धं ॥७॥ लद्धाएसेण तओ, समयं सहियाए अञ्जणा तुरियं । जाणम्मि समारूढा, महिन्दनयरामुहं नीया ॥८॥ संपत्ता य खणेणं, पावो मोत्तूण पुरवरासन्ने । खामेऊण नियत्तो, ताव य अत्थंगओ सूरो ॥९॥ जाए तमन्धयारे, बाला परिदेविऊण आढत्ता । हाहक्कारमुहरवा, दस वि दिसाओ पलोयन्ती ॥१०॥ भणइ य वसन्तमाले !, पावं अइदारुणं पुराचिण्णं । जेणेस अयसपडहो पुहइतले ताडिओ मझं ॥११॥
१७. अञ्जनानिर्वासनो हनुमदुत्पत्तिरधिकारः
केचिन्मात्रे ऽपि गते काले गर्भप्रकाशका बहवः । जाता विविधविशेषा महेन्द्रतनयाया देहे ॥१॥ पीनोन्तौ च स्तनौ श्यामलवदनौ कटी च विस्तीर्णा । गर्भभरभाराक्रान्ता गतिं च मन्दं समुद्वहति ॥२॥ एतै लक्षणे आता पवनञ्जयस्य जनन्या । भणिता च जातगर्भा पावे ! कान्ते प्रवसिते ॥३॥ कृत्वा शिरः प्रणामं कथयति पवनञ्जयागमं सर्वम् । मुद्रा च प्रत्ययार्थं तथापि च न प्रसञ्जति श्वश्रुः ॥४॥ भणति ततः कीर्तिमती यो नापि नामापि गृह्णाति तव । स कथं दूरप्रवासं गत्वा पुन निवर्तते ? ॥५॥ धिग्धिगिति दुष्टशीले ! निजकुलं निर्मलं कृतं मलिनम् । लोके गर्हणीयमेतादृशकर्म जनयन्त्या ॥६॥ एवं बहुप्रकारमुपालम्भ्य तत्र कीर्तिमती । आज्ञापयति कर्मकारं नयेमां पितृगृहं शीघ्रम् ॥७॥ लब्धादेशेन ततः समकं सख्याऽञ्जना त्वरितम् । यानं समारुढा महेन्द्रनगराभिमुखं नीता ॥८॥ संप्राप्ता च क्षणेन पापस्त्यक्त्वा पुरवरासन्ने । क्षमित्वा निवृत्तस्तावच्चास्तंगतः सूर्यः ॥९॥ जाते तमोऽन्धकारे बाला परिदेवयितुमारब्धा । हाहाकारमुखरवा दशापिदिशः प्रलोकयन्ती ॥१०॥ भणति च वसन्तमाले ! पापमतिदारुणं पूराचीर्णम् । येनेषो ऽयशः पटह: पृथिवीतले ताडितो मम ॥११॥
१-२. केउमई-मु०।
Jain Education Interational
For Personal & Private Use Only
www.jainelibrary.org
| SR No. | 004025 |
| Book Title | Paumchariyam Part 02 |
| Original Sutra Author | N/A |
| Author | Parshvaratnavijay |
| Publisher | Omkarsuri Aradhana Bhavan |
| Publication Year | 2012 |
| Total Pages | 214 |
| Language | Hindi, Sanskrit |
| Classification | Book_Devnagari |
| File Size | 5 MB |