Page Text
________________
परिशिष्ट :३ उपवासफलवर्णनं अर्थात् भद्र बाहु-चाणक्य-चन्द्रगुप्त-कथा
अवार्यखण्डे पुण्ड्रवर्धन देशे कोटिकनगरे राजा पमधरो राज्ञी पद्मश्री: पुरोहितः सोमशर्मा ब्राह्मणी सोमश्रीः। तस्याः पुत्रोऽभूत्तदुत्पत्तिलग्नं विशोध्य सोमशर्मा वसती ध्वजमुद्भावितवान् मत्पुत्रो जिनदर्शनमान्यो भविष्यतीति । ततस्तं भद्रबाहुनाम्ना वर्धयितुं लग्नः, सप्तवर्षानन्तरं मौजीबन्धनं कृत्वा वेदमध्यापयितुं च । एकदा भद्रबाहुर्बटुकैः सह नगराबहिर्बटुक्रीडाथं ययौ। तत्र वट्टस्योपरि वट्टधारणे केनचित् द्वौ, केनचित् त्रय उपर्युपरि धृताः। भद्रबाहुना प्रयोदश धृताः। तदवसरे जग्बूस्वामिमोक्षगतेरनन्तरं विष्णु-नन्दिमित्र-अपराजित. गोवर्धन-मद्रबाहुनामानः पञ्च श्रुतकेवलिनो भविष्यन्तोति जिनागमसूत्रं चतुर्थः केवली गोवर्धननामानेकसहस्रयतिभिर्विहरंस्तत्रागत्य तं लुलोके । सोऽष्टाङ्गनिमित्तं वेत्ति । तं विलोक्यायं पश्चिमश्रुतकेवली भविष्यतीति बुबुधे । तत्समुदायालोकनात्सर्वे बटुकाः पलायिताः । स आगत्य गोवर्धनं ननाम । मुनिना पृष्टस्त्वं किमाख्यः, कस्य पुत्र इति । सोऽवदत् पुरोहितसोमशर्मणः पुत्रोऽहं भद्रबाहु. नामा। पुनर्मुनिनोक्तं मत्समोपेऽध्येष्यसे । तेन ओमिति भणिते तद्धस्तं धृत्वा स एव तत्पितुः गृहं ययौ । तं विलोक्य सोमशर्मासनादुत्थाय संमुखमागत्य मुकुलितकर आसनमदादपृच्छच्च-स्वामिन्, किमित्यागमनम् । मुनिबंभाण तव पुत्रोऽयं मत्समोपेऽध्येष्ये इत्युक्तवान् । त्वं भणसि चेदध्यापयिष्यामि । द्विजोऽब्रूतायं जैनदर्शनोपकारक एव स्यादित्युत्पन्नमुहूर्तगुणो विद्यते, सोऽन्यथा कि भवेदयं भवद्भ्यो दत्तो यज्जानन्ति तत्कुर्वन्त्विति तेन समर्पितः । तदा माता यतिपादयोलग्नाऽस्य दीक्षां मा प्रयच्छन्तु । मुनिरुवाचाध्याप्य तवान्तिकं प्रस्थापयामोति श्रद्धेहि भगिनि । ततस्तं नीत्वा मनिसावासादिना श्रावकैः समाधानं कारयित्वा सकलशास्त्राण्यध्यापितवान् । स च सकलदर्शनानां सारासारतां विबुध्य दीक्षां ययाचे । गुरुरवोचत् स्वं नगरं गत्वा तत्र पाण्डित्यं प्रकाश्य मातापितरावभ्युपगमय्यागच्छेति विससर्ज । स च गत्वा मातापितरौ प्रणम्य तदने गुरोर्गुणप्रशंसां चकार । द्वितीयदिने पद्मधरराजस्य भवनद्वारे पत्रमवलम्ब्य द्विजादिवादिनः सर्वान् जिगाय, तत्र जैनमतं प्रकाश्य मातापितरावभ्युपगमय्य गत्वा दीक्षितः । श्रुतकेवलीभूतमाचार्य कृत्वा गोवर्धनः संन्यासेन दिवं गतः । भद्रबाहुस्वामी स्वामिभक्तः तपस्वियुक्तो विहरन् स्थितः ।
Jain Education International
For Personal & Private Use Only
www.jainelibrary.org
| SR No. | 004003 |
| Book Title | Bhadrabahu Chanakya Chandragupt Kathanak evam Raja Kalki Varnan |
| Original Sutra Author | N/A |
| Author | Rajaram Jain |
| Publisher | Ganeshprasad Varni Digambar Jain Sansthan |
| Publication Year | 1982 |
| Total Pages | 164 |
| Language | Hindi |
| Classification | Book_Devnagari |
| File Size | 12 MB |