________________
३. पुराणेतिहास, भूगोल, राजनीति एवं शरीर- लक्षण - साहित्य खण्ड
(१) जिनांतराउली
दोहा
पंच परमगुरु कौं नमौ मन वच सीस नवाई | जिन अंतर पंगति कहौं भिन्न-भिन्न समुझाई । । १ । । चौपड़ी
तीज काल जानि भवि सोई सागर कोडाकोडी दोई। दूजौ कोडाकोडी तीन पहिलो को चारि परवीन । । २ ।। पुनि पहिलौ दूजौ तीसरौ आवत जात दुगुन करि धरौ । भोगभूमि निधटी षटु तेह उत्ति मद्धि जघन्य सु जेह । । ३ । । कोडाकोडि गए दश आठि बंध्यौकाल चौथे कौ ठाठ । सो पुनि कोडाकोडी एक जाकौ वरनन कहौ विसेक । । ४ । । जुगला धर्म गयो जब बादि उपजे प्रथम जिनेश्वर आदि । कोडाकोडि आधि जलरास बीतैं अजित गए सिव पास । । ५ । ।
तीसलाख पुनि सागर कोडि संभव मुक्ति गए तिहिं छोडि । पुनि दसलाख कोडि सरलए अभिनंदन जिनवर सिव गए । । ६ । । सागर गए. कोडि नव लाख सिज्झे सुमति कर्म वसु नाष । नवै हजार कोडि सरजात मुकति गए पदमप्रभ तात ।। ७ ।। कोडी नव सहश्र पुनि ताल बातैं तजि सुपार्श्व जग जाल । नवसै कोडि गए सर और चंदप्रभ पहुँचे सिव ठौर । । ८ । । नवै कोडि सागर जब नसे जिनश्री पुष्पदंत सिव वसे । पुनि नव कोडि ताल बीतियो सीतल नाथ अखै पद लियो । । ९ । ।
सौ सागर छाछटि पुनि लच्छ अरु छब्बीस हजार प्रतच्छ। ये वरसै घटि सागर कोडि गए श्रियंश मुक्ति जग छोडि । । १० । ।
Jain Education International
For Personal & Private Use Only
www.jainelibrary.org
