Page Text
________________
SANGATKI
माणुत्तमेसु जह अणुभवंति सुरवरचिमाणवरपोंडरीएस सोक्खाई अणोवमाई कमेण भुत्तूण उत्तमाई तज आउक्खएर्ण च्या समाणा जह जिणमयम्मि बोहिं उण य संजमुत्तमं तमरयोघविप्पमुक्का उर्वेति जह अक्खयं सव्वदुक्खमोक्खं, एते अने य एवमाइजत्था वित्थरेण य०, उवासयदसासु णं परित्ता वायणा संखेज्जा अणुओगदारा जाव संखेज्जाओ संगहणीओ, से णं अंगट्टयाए सत्तमे अंगे एगे सुयक्खंधे दस अज्झयणा दस उद्देसणकाला दस समुद्देसणकाला संखेज्जाइं पयसयसहस्साइं पयग्गेणं पं०, संखेज्जाई अक्खराई जाव एवं चरणकरणपरूवणया आघविनंति०, सेत्तं उवासगदसाओ । १४२ से किं तं अंतगडद्साओ ?, अंतगडदसासु णं अंतगडाणं णगराई उज्जाणा चेहयाई वणाई राया अम्मापियरो समोसरणा धम्मायरिया धम्मकहा इहलोइयपरलोइअइड्ढिविसेसा भोगपरिचाया पव्वज्जाओ सुयपरिग्गहा तवोवहाणाई पडिमाओ बहुविहाओ खमा अज्जवं महवं च सोऊं च सच्चसहियं सत्तरसविहो य संजमो उत्तमं च बंर्भ आकिंचणया तवो चियाओ समिइगुत्तीओ चैव तह अप्पमायजोगो सज्झायज्झाणेण य उत्तमाणं दोन्हंपि लक्खणाई पत्ताण य संजमुत्तमं जियपरीसहाणं चउव्विहकम्मक्त्रयम्मि जह केवलस्स लंभो परियाओ जत्तिओ य जह पालिओ मुणीहिं पायोवगओ य जो जहिं जतियाणि भत्ताणि छेअइसा अंतगडो मुनिवरो तमरयोधविप्पमुक्की मोक्खसुहमणंतरं च पत्ता एए अने य एवमाइअत्था वित्थारेण परुविज्जंति, अंतगडदसासु णं परित्ता वायणा संखेज्जा अणुओगदारा जाव संखेज्जाओ संगहणीओ जाब से णं अंगट्टयाए अट्टमे अंगे एगे सुयक्खंधे दस अज्झयणा सत्त बग्गा दस उद्देसणकाला दस समुद्देसणकाला संखेज्वाइं पयसयसह स्साई पयग्गेणं पं०, संखेज्जा अक्खरा जाव एवं चरणकरणपरूवणया आधविज्ांति०, सेत्तं अंतगडद्साओ। १४३ । से किं तं अणुत्तरोववाइयदसाओ ?. अणुत्तरोववाइयदसासु णं अणुत्तरोववाइयाणं नगराई उज्जाणाई चेहयाई वणखंडा रायाणो अम्मापियरो समोसरणाई धम्मायरिया धम्मकहाओ इहलोगपरलोगइद्धिविसेसा भोगपरिचाया पदज्जाओ सुयपरिग्गहा तवोवहाणाई परियागो पडिमाओ संलेहणाओ भत्तपाणपञ्चक्खाणाई पाओचगमणाई अणुत्तरोवबाओ सुकुलपच्चायाया पुणो बोहिलाभो अंतकिरियाओ य आघविवंति, अणुत्तरोववाइयदसासु णं तित्थकरसमोसरणाई परममंगडुजगहियाणि जिणातिसेसा य बहुविसेसा जिणसीसाणं चेव समणगणपत्ररगंधहत्थीणं थिरजसाणं परिसहसेण्णरिउबलपमदणाणं दव (तब पा० ) दित्तचरित्तणाणसम्मत्तसारविविहप्पगारवित्वरपसत्थगुणसंजुयाणं (गुणज्झयाणं पा० ) अणगारमहरिसीणं अणगारगुणाण वण्णओ उत्तमवरतवविसिट्टणाणजोगजुत्ताणं जह य जगहियं भगवओ जारिसा इदिविसेसा देवासुरमाणुसाणं परिमाणं पाउन्भावा य जिणसमीवं जह य उवासंति जिणवरं जह य परिकांति धम्मं लोगगुरू अमरनरसुरगणाणं सोऊण य तस्स भासियं अवसेसकम्मक्सियविरत्ता नरा जहा अच्भुवेति धम्ममुराल संजमं तवं चावि बहुविहप्पगारं जह बहूणि वासाणि अणुचरिता आराहियमाणदंसणचरितजोगा जिणवयण मणुगयमहियं ( वयणाणुगइसु पा० ) भासित्ता जिणवराण हिययेणमणुण्णेत्ता जे य जहिं जत्तियाणि भत्ताणि छेअइत्ता लदूण य समाहिमुत्तमज्झाणजोगजुत्ता उवबना मुणिवरोत्तमा जह अणुत्तरेषु पार्वति जह अणुत्तरं तत्थ विसयसोक्खं तओ य बुआ कमेण काहिंति संजया जहा य अंतकिरियं एए अन्ने य एवमाइअत्या बित्थरेण०, अणुत्तरोक्वाइयदसासु णं परिता वायणा संखेज्जा अणुओगदारा संखेज्जाओ संग्रहणीओ, से णं अंगट्टयाए नवमे अंगे एगे सुयक्संधे दस अज्झयणा तिनि बग्गा दस उद्देसणकाला दस समुद्देसणकाला संखेज्वाइं पयसयसहस्साइं पयग्गेणं पं०, संखेजाणि अक्खराणि जाव एवं चरणकरणपरूवणया आघविज्जति०, सेत्तं अणुत्तरोवबाइदसाओ । १४४। से किं तं पण्डावागरणाणि ?, पण्डावागरणेसु अद्दुत्तरं पसिणसयं अनुत्तरं अपसिणसयं अठुत्तरं परिणापसिणसयं विज्वाइसया नागसुवजेहिं सद्धिं दिशा संवाया आपविज्जति पण्डावागरणदसासु णं ससमयपरसमयपण्णवयपत्ते अबुद्धविविद्दत्थभासा भासियाणं अइसयगुणउवसमणाणप्पगारआयरियभासियाणं वित्थरेणं थिर (वीरपा० ) महेसीहिं विविद्दवित्परभासियाणं च जगहियाणं अदागंगुट्टबाहु असिमणिखोमआइबभासियाणं विविहमहापसिणविजामणपसिणरिजादेवयपयोगपहाणगुणप्पगासियाणं सन्भूयदु (विविह पा० ) गुणप्पभावनरगणमइविम्हयकराणं अईसयमईयकालसमयदमसमवित्यकरुत्तमस्स ठिङ्करणकारणाणं दुरहिगमदुरवगाहस्स सङ्घसवनुसम्म अस्स अबृहजणविचोहणकरस्स पञ्चस्त्रयपचयकराणं पण्हाणं विविहगुणमहत्था जिणवरप्पणीया आघविज्वंति०, पहावागरणेसु णं परिता वायणा संखेज्जा अणुओगदारा जाव संखेजाओ संग्रहणीओ, से णं अंगडयाए दसमे अंगे एगे सुयक्खंधे पणयालीसं उद्देसणकाला पणयालीसं समुदेसणकाला संखेचाणि पयसयसहस्त्राणि पयग्गेणं पं० संखेच्या अक्खरा अनंता गमा जाव चरणकरणपरूवणया आघविज्जति०, सेत्तं पण्हावागरणाई। १४५ से किं तं विवागसूयं ?, विवागसुएणं सुकडदुकडाणं कम्माणं फलविवागे आपविज्जयंति से समासओ दुविहे पण्णत्ते, तंजा दुहविवागे चैव सुहविवागे चेव, तत्थ णं दस दुहविवागाणि दस सुहविवागाणि से किं तं दुहविवागाणि ?, दुहविवागेसु णं दुहविवागाणं नगराई उज्जाणाई चेइयाई वणखंडा रायाणो अम्मापियरो समोसरणाई धम्मायरिया धम्मकहाओ नगरगमणाई संसारपबंधे दुहपरंपराओ य आपविजंति, सेत्तं दुहविवागाणि से किं तं सुहविवागाणि ?, सुहविवागेसु सुहविवागाणं णगराई उज्जाणाई चेइयाई वणखंडा रायाणो अम्मापियरो समोसरणाई धम्मायरिया धम्मकडाओ इहलोइयपरलोइयइइडिविसेसा भोगपरिचाया पवज्जाओ सुयपरिग्गहा तवोवहाणाई परियागा पडिमाओ संलेहणाओ भत्तपञ्चक्खाणाई पाओवगमणाई देवलोगगमणाई सुकुलपच्चायाया पुणबोहिलाहा अंतकिरियाओ य आपविति, दुहविवागेसु णं पाणाइवायअलियवयणचोरिक करणपरदारमेहुणससंगयाए महतिब्वकसायइंदियप्पमायपाचप्पओय असुहज्झवसाणसंचियाणं कम्माणं पावगाणं पावअणुभागफलविवागा णिरयगतितिरिक्खजोणिबहुविहवसणसयपरंपरापवद्धाणं मणुयत्तेऽवि आगयाणं जहा पावकम्मसेसेण पावगा होन्ति फलविवागा वहवसणविणासनासाकन्नुगृहकरचरणनहच्छेयणजिन्भच्छे अण अंजणकडग्गिदाहगयचलणमलणफालणउलचणसूललयालउडलद्विभंजणत उसी सगतत्तवेल कलकलअहिसिंचणकुंभिपागकंपणथिरबंधणवेह वज्झकत्तणपतिभयंकरकरपाडीवणादिदारुणाणि दुक्खाणि अणोवमाणि बहुविविहपरंपराणुवद्धा ण मुचंति पावकम्मवाडीए, अवेयइत्ता हु णत्थि मोक्खो तवेण धिधणियबद्धकच्छेण सोहणं तस्स वावि हुआ, एत्तो य सुहविवागेसु णं सीलसंजमणियमगुणतवोवहाणेसु साहूसु सुविहिएस अणुकंपासयप्पओगतिकालमइविसुद्भत्तपाणाई पययमणसा हियमुद्दनीसेसतिव्यपरिणामनि१५३ समवायांगं मचाओ-पइजात्र मुनि दीपरत्नसागर
| SR No. | 003904 |
| Book Title | Aagam Manjusha 04 Angsuttam Mool 04 Samavaao |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 30 |
| Language | Prakrit |
| Classification | Book_Devnagari, Agam, Canon, & agam_samvayang |
| File Size | 21 MB |