Page Text
________________
SRPALASPESAASPASHISAPASARAPAMSPIESREPHESARPIONSHIONSPIRLASPASHISPENSPEGISTOREHISSISPOSMASHRAM
च्छियमई पयच्छिऊणं पयोगसुदाई जह य निवत्तेति उ बोहिलाभं जह य परित्तीकरति नरमरयतिरियसुरगमणविपुलपरियह अरतिमयविसायसोगमिच्छत्तसेलसंकर्ड अनाणतमंधकारचिक्खिाउसुदुत्तारं जरमरणजोणिसंखुभियचक्कवालं सोलसकसायसावयपयंडचंडं अणाइज अणवदग्गं संसारसागरमिणं जह य णिबंधति आउगं सुरगणेसु जह य अणुभवंति सुरगणविमाणसोक्खाणि अणोचमाणि ततो य कालंतरे चुआणं इहेव नरलोगमागयाणं आउवपुपुण्णरूवजातिकुलजम्मआरोग्ाबुद्धिमहाविससा मित्तजणसयणघणघण्णविभक्समिदसारसमुदयविसेसा बहुविहकाममोगुब्भवाण सोक्खाण सुहविवागोत्तमेसु, अणुवरयपरंपराणुबदा असुभाणं सुभाणं चेच कम्माणं भासिआ बहुविहा विवागग विवागसुयम्मि भगवया जिणवरेण संवेगकारणस्था अनेऽवि य एवमाइया बहुविहा वित्थरेणं अत्यपरूवणया आपविजंति०, विवागसुअस्स णं परित्ता वायणा संखेज्जा अणुओगदारा जाव संखेजाओ संगहणीओ, से णं अंगट्टयाए एक्कारसमे अंगे वीसं अज्झयणा वीसं उद्देसणकाला पीसं समुद्देसणकाला, सखेज्जाई पयसयसहस्साई पयग्गेणं पं०, संखेज्जाणि अक्षराणि अणंता गमा अर्णता पज्जवा जाब एवं चरणकरणपरूवणया आधविज्जति०, सेत्तं विवागसुए। १४६। से किं तं दिहिवाए?, दिडिवाए णं सवभावपरूवणया आधविज्जति, से समासओ पंचविहे पं० तं०- परिकम्म सुत्ताई पुष्वगयं अणुओगो चूलिया, से किं तं परिकम्मे ?, परिकम्मे सत्तविहे पं० तं०-सिद्धसेणियापरिकम्मे मणुस्ससेणियापरिकम्मे पुष्टसेणियापरिकम्मे ओगाहणसेणियापरिकम्मे उपसंपजसेणियापरिकम्मे विप्पजहसेणियापरिकम्मे चुआचुअसेणियापरिकम्मे, से कि तं सिद्धसेणियापरिकम्मे , सिद्धसेणिआपरिकम्मे चोइसविहे पं० तं०-माउयापयाणि एगट्टियपयाणि पादोदृपयाणि आगासपयाणि केउभूयं रासिबद्ध एगगुणं दुगुणं विगुणं केउभूयं पडिग्गहो संसारपडिग्गहो नंदावत्तं सिदबई, सेत्तं सिद्धसेणियापरिकम्मे, से किं तं मणुस्ससेणियापरिकम्मे ?, मणुस्ससेणियापरिकम्मे चोइसविहे पं० त०-ताई चेव माउआपयाणि जाव नंदावत्तं मणुस्सपद्ध, सेत्तं मणुस्ससेणियापरिकम्मे, अक्सेसाई परिकम्माई पुट्ठाइयाई एकारसविहाई पन्नत्ताई. इचेयाई सत्त परिकम्माई ससमइयाई सत्त आजीवियाई छ चउक्कणइयाई सत्त तेरासियाई. एवामेव सपुब्बावरेणं सत्त परिकम्माई तेसीती भवतीतिमक्खायाई, सेत्तं परिकम्माई, से किं तं सुत्ताई?.२ अट्ठासीती भवतीतिमक्खायाई, नं०- उजुगं परिणयापरिणयं बहुभंगियं विप्पचइयं (विन(ज)यचरिय) अणंतरं परंपरं समाणं संजहं (मासाणं)संभित्रं अहाचयं (अहवायं नन्द्यां) सोवत्यि(वत्त)यं णंदावत्तं बहुलं पट्टापटुं वियावत्तं एवंभूयं दुआवत्तं वत्तमाणप्पर पणाम(पस्सासं दुपडिम्गहें इञयाई चावीसं सुत्ताई छिण्णच्छेअणइआई ससमयसुत्तपरिवाडीए,इवेआई बाबीसं सुत्ताई अच्छिन्नच्छेयनइयाई आजीवियसुत्तपरिवाडीए, इच्चेआई बावीसं सुताई तिकणइयाई तेगसियमुत्तपरिवाडीए, इचेआई बावीस सुत्ताई चउक्कणइयाई ससमयसुत्तपरिवाडीए, एवामेव सपुव्वावरेणं अट्ठासीती सुत्ताई भवंतीतिमक्खायाई, सेत्तं सुत्ताई, से किं तं पुवमयं ?, पुव्वगयं चउद्दसविहं पं०,०- उप्पायपुवं अग्गेणीयं बीरियं अस्थिणत्थिप्पवायं नाणप्पयायं सञ्चप्पवायं आयप्पवायं कम्मप्पवायं पचक्खाणप्पवायं विजाणुष्पवायं अवझ पाणाऊ० किरियाविसालं लोगबिंदुसार, उपायपुवस्स णं दस बल्यू पं० चत्तारि चूलियावत्थू पं०, जग्गेणीयस्म णं पृचस्स चोदस वत्यू बारस चूलियावत्थू पं०, बीरियपवायस्स णं पुवस्स अट्ट वत्यू अट्ट चूलियावत्थू पं०, अत्थिणस्थिप्पवायस्स णं पुवस्स अट्टारस पत्थू दस चूलियावत्यू पं०, नाणप्पवायस्स णं पुवस्स बारस वत्थू पं०, सञ्चप्पवायस्सणं पुवस्स दो वत्यू पं०, आयप्पवायरस णं पुवस्स सोलस वत्थू पं०, कम्मप्पवायपुवस्स तीसं वत्थू पं०, पञ्चक्खाणस्स णं पुवस्स वीसं वत्थू पं०, विजाणुष्पवायस्स णं पुवस्स पनरस वत्थू पं०, अवंझस्स णं पुच्चम्म बारस वत्यू पं०, पाणाउस्स णं पुवस्स तेरस वत्थू पं०. किरियाक्सिालस्स णं पुवस्स तीसं वत्यू पं०, लोगबिंदुसारस्सणं पुण्यस्स पणवीसं वत्यू पं०-दस चोइस अट्टऽद्यारसेव वारस दुवे य वत्थूणि । सोलस तीसा वीसा पन्नरस अणुप्पत्रायंमि ॥ ६३ ॥ बारस एक्कारसमे बारसमे तेरसेव वत्थूणि । तीसा पुण तेरसमे चउदसमे पन्नवीसा उ ॥ ६४॥ चत्तारि दुवालस अट्ट चेव दस चेव चूलवत्थूणि । आतिडाण चउण्हं सेसाणं चूलिया णस्थि ॥६५॥ सेत्तं पुश्चगयं, से किं तं अणुओगे?, अणुजोगे दुविहे पं०, तं० मूलपढमाणुओगे य गंडियाणुओगे य, से किं तं मूलपढमाणुओगे?, एत्थणं अरहंताणं भगवंताणं पुष्वभवा देवलोगगमणाणि आउंचवणाणि जम्मणाणि अ अभिसेया रायवरसिरीओ सीयाओ पच्चजाओ तवा य भत्ता केवलणाणुप्पाया अतित्थपवत्तणाणि अ संघयणं संठाणं उच्चतं आउं यन्नविभागो सीसा गणा गणहरा य अज्जा पवनणीओं संघस्स चउम्विहस्स जं वावि परिमाणं जिणमणपज्जवओहिनाणसम्मत्तसुयनाणिणो य वाई अणुत्तरगई य जत्तिया सिद्धा पाओवगा य जे जहिं जत्तियाई भत्ताई छेअइत्ता अंतगडा मुणिवरुत्तमा तमरओघविष्पमुक्का सिदिपहमणुत्तरं च पत्ता, एए अने य एवमाइया भावा मूलपढमाणुओगे कहिआ आपविज्जति पण्णविज्जंति परू, सेत्तं मूलपढमाणुओगे, से किं तं गंडियाणुओगे',२ अणेगविहे पं०, तं०. कुलगरगंडियाओ तित्वगरगंडियाओ गणहरगंडियाओ चकहरगंडियाओ दसारगंडियाओ बलदेवगंडियाओ वासुदेवगंडियाओ हरिवंसगंडियाओ भहबाहुगंडियाओ तवोकम्मगंडियाओ चित्तरगंडियाओ उस्सप्पिणीगंडियाओ ओसप्पिणीगंडियाओ अमरनरतिरियनिरयगइगमणविविहपरियट्टणाणुओगे, एवमाइयाओ गंडियाओ आघविज्जति पण्णविज्जंति परुविज्जंति, सेत्तं गंडियाणुओगे, से किं तं चूलियाओ?,२ जणं आइल्डाणं चउण्डं पुख्वाणं चूलियाओ, सेसाई पुब्बाइ अचूलियाई, सेत्तं चूलियाओ, दिट्ठिवायरस णं परित्ता वायणा संखेज्जा अणुओगदारा संखेज्जाओ पडिवत्तीओ संखेज्जाओ निज्जतीओ संखेज्जा सिलोगा संखेज्जाओ संगहणीओ. से णं अंगट्टयाए वारसमे अंगे एगे सुयखंधे चउरस पुब्वाई संखेज्जा वत्थू संखेजा चूलवत्यू संखेज्जा पाहुडा संखेजा पाहुडपाहुडा संखेजाओ पाहुडियाओ संखेज्जाओ पाहुडपाहुडियाओ संखेजाणि पयसयसहस्साणि पयग्गेणं पं०, संखेजा अक्खरा अर्णता गमा अणंता पज्जवा परित्ता तसा अणंवा थावरा सासया कडा णिचद्धा णिकाइया जिणपण्णत्ता भावा आधविजंति पण्णविजंति परूविज्जति दंसिर्जति निदंसिज्जति उवदंसिर्जति, एवं णाया एवं विष्णाया एवं चरणकरणपरूवणया आपविजंति०, सेत्तं दिट्टिवाए, सेत्तं दुवालसंगे गणिपिडगे।१४७ इन्चेइयं दुवालसंगं गणिपिडगं अतीतकाले अणंता जीवा आणाए विराहित्ता चाउरंतसंसारकंतारं अणुपरियटिंसु इवेइयं दुबालसंग गणिपिडगं पडुप्पण्णे काले परित्ता जीवा आणाए विराहित्ता चाउरवसंसारकतारं अणुपरिवहति इन्चेइयं दुवालसंगं गणिपिडर्ग अगागए १५४ समवायांग-समयामो-UNT
मुनि दीपरत्नसागर
| SR No. | 003904 |
| Book Title | Aagam Manjusha 04 Angsuttam Mool 04 Samavaao |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 30 |
| Language | Prakrit |
| Classification | Book_Devnagari, Agam, Canon, & agam_samvayang |
| File Size | 21 MB |