Page Text
________________
लोगडाइ णं च णं परूवणया आघविजंति०, ठाणस्स णं परिता वायणा संखेज्जा अणुओगदारा संखेजाओ पडिवत्तीओ संखेजा वेढा संखेज्जा सिलोगा संखेज्जाओ संग्रहणीओ. से णं अंगडयाए तइए अंगे एगे सुयक्खंधे दस अज्झयणा एकवीस उद्देसणकाला • बावतारं पयसहस्साइं पयग्गेणं पं० संखेजा अक्खरा अणंता पज्जवा परित्ता तसा अनंता थावरा सासया कडा निबद्धा णिकाइया जिणपण्णत्ता भावा आघ विज्जति पण्णविजयंति परुविज्जंति निदंसिज्जंति उवदंसिज्जंति से एवं आया एवं गाया एवं विष्णाया एवं चरणकरणपरूवणया आघविजंति०, सेतं ठाणे । १३८ से किं तं समवाए ? समयाएणं सममया सूइज्जति परसमया सूइज्जति ससमयपरसमया सूइज्जति जाव लोगालोगा सूइज्जंति, समवाएणं एगाइयाणं एगडाणं एगुत्तरियपरिवुढीए दुवालसंगस्स य गणिपिडगस्स पल्लवग्गे समणुगाइज्जइ. ठाणगसयरस बारसविहवित्थरस्स सुयणाणस्स जगजीवहियस्स भगवओ समासेणं समोयारे आहिज्जति, तत्थ य णाणाविहप्पगारा जीवाजीवा य वण्णिया वित्थरेण अवरेऽवि अ बहुविद्दा विसेसा नरगतिरियमणुअसुरगणाणं आहारुस्सासलेसाआवाससंखआयप्पमाणडववायचवणउग्गहणोवहिवेयणविहाणउवओगजोगइंदियकसाया विविहा य जीवजोणी विक्खंभुस्सेहपरिरयप्पमाणं विहिविसेसा य मंदिरादीणं महीधराणं कुलगरतित्थगरगणहराणं सम्मत्तभरहाहिवाणं चक्कीणं चैव चकहरहलहराण य वासाण य निगमा य समाए एए अण्णे य एवमाई एत्थ वित्थरेणं अत्था समाहि (मवा) ज्जति, समवायस्स णं परित्ता वायणा जाव से णं अङ्गट्टयाए चउत्थे अंगे एगे अज्झयणे एगे सुयक्खंधे एगे उद्देसणकाले० एगे चउयाले पदसयसहस्से पदग्गेणं पं०, संखेज्जाणि अक्खराणि जाव चरणकरणपरूवणया आघविज्जति०, सेत्तं समवाए । १३९। से किं तं वियाहे ?, वियाद्देणं ससमया विआहिज्जति परसमया विआहिज्जति ससमयपरसमया विआहिजति जीवा त्रिआहिज्जंति अजीवा विआहिज्जति जीवाजीवा विआहिज्जति लोगे विहिज्जइ अलोए बियाहिज्जइ लोगालोगे विआहिज्जइ, विग्राहेणं नाणाविहसुरनरिंदरायरिसिविविहसंसइ अपुच्छियाणं जिणेणं वित्थरेण भासियाणं दव्वगुणखेत्तकालपज्जवपदेसपरिणामजहद्वियभावअणुगमनिक्खेवणयप्पमाणसुनिउणोवकमविविहप्पकारपगडपयासियाणं लोगालोगपयासियाणं संसारसमुद्दरुंदउत्तरणसमत्थाणं सुरवइसंपूजियाणं भवियजणपयहिययाभिनंदियाणं तमरयविद्धंसणाणं सुदिट्ठदीवभूयईहामतिबुद्धिवद्धणाणं छत्तीससहस्समणुणयाणं वागरणाणं दंसणाओ सुयत्थबहु विहप्पगारा सीसहियत्था य गुणम (गुण) हत्था, विग्राहस्स णं परित्ता वायणा संखेज्जा अणुओगदारा संखेज्जाओ पडिवत्तीओ संखेज्जा वेढा संखेजा सिलोगा संखेज्जाओ निज्जुत्ती (संगहणी ) ओ. से णं अंगट्टयाए पञ्चमे अंगे एगे सुयक्खंधे एगे साइरेगे अज्झयणसते दस उद्देसगसहस्साइं दस समुदेसगसहस्साइं छत्तीसं वागरणसहस्साइं चउरासीई पयसहस्साई पयग्गेणं पं०. संखेज्जाई अक्खराइं अनंता गमा अनंता पज्जवा परित्ता तसा अनंता थावरा सासया कडा णिबद्धा णिकाइया जिणपण्णत्ता भावा आघविज्वंति पण्णविज्यंति परुविज्जति निदंसिज्जति उवदंसिज्जंति, से एवं आया से एवं विष्णाया एवं चरणकरणपरूवणया आघविज्जति०, सेत्तं वियाहे । १४० । से किं तं णायाधम्मकहाओ ?, णायाधम्मकहासु णं णायाणं णगराई उज्जाणाई चेइआई वणखंडा रायाणो अम्मापियरो समोसरणाई धम्मायरिया धम्मकहाओ इहलोइयपरलोइअइड्ढीविसेसा १० भोगपरिचाया पवज्जाओ सुयपरिग्गहा तवोवहाणाई परियागा संलेहणाओ भत्तपचक्खाणाई पाओवगमणाई देवलोगगमणाई सुकुलपच्चायायाइं पुणबोहिलाभा अंतकिरियाओ २२ य आघविज्वंति जाव नायाधम्मकहासु णं पवइयाणं (समणाणं पा० ) विणयकरण जिणसामिसासण ( प पा० )वरे संजम पईण्ण ( पालण पा० ) - धिइमइववसायदुब्बलाणं तवनियमतवोवहाणरणदुद्धरभरभग्गयणिस्सहयणिसिद्वाणं घोरपरीसहपराजियाणं सहपारद्वरुद्धसिद्धालयमग्गनिग्गयाणं विसयसुह (महेच्छा पा० ) तुच्छआसावस दोसमुच्छ्रियाणं विराहियचरित्तनाणदंसणजइगुणविविहप्पयारनिस्सारसुन्नयाणं संसारअपारदुक्खदुग्गइभवविविहपरंपरापवंचा धीराण य जियपरिसहकसायसेण्णधिइधणियसंजमउच्छाहनिच्छियाणं आराहियमाणदंसणचरित्तजोगनिस्सलसुद्धसिद्धालयमग्गममिमुहाणं सुरभवणविमाणसुक्खाई अणोवमाई भुत्तूण चिरं च भोगभोगाणि ताणि दिवाणि महरिहाणि ततो य कालकमचुयाणं जह य पुणो लद्धसिद्धिमग्गाणं अंत किरिया चलियाण य सदेवमाणुस्सधीरकरणकारणाणि बोधणअनुसासणाणि गुणदोसदरिसणाणि दिवंते पचये य सोऊण लोगमुणिणो जहद्वियसासणम्मि जरमरणनासणकरे आराहिजसंजमा य सुरलोगडिनियत्ता ओवेन्तिजह सासयं सिवं सङ्घदुक्खमोक्खं, एए अण्णे य एवमाई अत्था वित्थरेण य, णायाधम्मकहासु णं परित्ता वायणा संखेज्जा अणुओगदारा जाव संखेज्जाओ संग्रहणीओ से णं अंगट्टयाए छडे अंगे दो सुअक्खधा एगूणवीसं अज्झयणा, ते समासओ दुविहा पं० तं० चरिता य कप्पिया य, दस धम्मकहा णं वग्गा, तत्थ णं एगमेगाए धम्मकहाए पंच पंच अक्खाइयासयाई एगमेगाए अक्खाइयाए पंच पंच उवक्खाइयासयाई एगमेगाए उबक्खाइयाए पंच पंच अक्खाइयउवक्खाइयासयाई एवमेव सपुवावरेणं अधुट्टाओ अक्खाइयाकोडीओ भवतीतिमक्खायाओ, एगुणतीसं उद्देमणकाला एगूणतीसं समुद्देसणकाला संखेजाई पयसहस्साइं पयग्गेणं पं० संखेज्जा अम्खरा जाव चरणकरणपरूवणया आघविनंति०, सेत्तं णायाधम्मकहाओ । १४१। से किं तं उवासगदसाओ ?, उवासगदसासु णं उवासयाणं णगराई उज्जाणाई चेइआई वणखंडा रायाणो अम्मापियरो समोसरणाई धम्मायरिया धम्मकहाओ इहलोइय परलोइयइडिविसेसा उवासयाणं सीलव्ययवेरमणगुणपञ्चक्खाण पो सहो ववास पडि वज्जणयाओ सुयपरिग्गहा तवोवहाणा पडिमाओ उवसग्गा संलेहणाओ भत्तपञ्चक्खाणाई पाओवगमणाई देवलोगगमणाई मुकुलपच्चायाया पुणो बोहिलाभा अंतकिरियाओ आघविज्जंति, उवास गदसामु णं उवासयाणं रिद्धिविसेसा परिसा वित्थरधम्मसवणाणि बोहिलाभ अभिगमसम्मत्तविद्धया थिरत्तं मूलगुणउत्तरगुणाइयारा ठिइविसेसा य बहु विसेसा पडिमाभिग्गहग्गहणपालणा उवसग्गाहियासणा णिरुवसग्गा य तवा य विचित्ता सीलव्वयगुणवेरमणपञ्चक्खाणपोसहोववासा अपच्छिममारणंतियसंलेहणाझोसणाहिं अप्पाणं जह य भावइत्ता बहूणि भत्ताणि अणसणाए य छेअइत्ता उववण्णा कप्पवरवि- (३८) १५२ समवायांगं समयाओ पइण्णा
मुनि दीपरत्नसागर
-
| SR No. | 003904 |
| Book Title | Aagam Manjusha 04 Angsuttam Mool 04 Samavaao |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 30 |
| Language | Prakrit |
| Classification | Book_Devnagari, Agam, Canon, & agam_samvayang |
| File Size | 21 MB |